Як модіфіковати Mozilla Firefox, жебы контролёвав русиньскый правопис

Малохто з нас ходив до русиньской школы а кідь маме дашто написати по русиньскы, так є то проблем.
Жебы помочі писати, быв створеный список слов і уложеный во форматї Hunspell (http://hunspell.sourceforge.net/). Словічка были позбераны з русиньскых сторінок, новинок і матеріалів котры пишуть по русиньскы. Были проґрамово сортованы, вымазаны были дупліціты. Словник іщі не мать вшыткы правила і тыж там суть дакотры неправилны слова але часом ся буде росшырёвав і коріґовав.

Hunspell словникы хоснує на примір OpenOffice, Firefox, Thunderbird і далшы.

Офіціално Mozilla Firefox не підпорує русиньскый язык а што ся тыкать OpenOffice підпора ся приправує і можность выберу нашого коду языка бы мала быти у верзії OpenOffice3.3.

Но екзістує способ як Firefox ошалїти уж теперь. Скачаме мадярскый «spell check» словник про нашу верзію Firefoxu. Поглядаме де го іншталовало.

Мав бы то быти адресарь як: C:\Documents and Settings\Kory\Data aplikac�\Mozilla\Firefox\Profiles\o8jf2iwx.default\extensions\hu@dictionaries.addons.mozilla.org\dictionaries

Там місто Kory буде мено вашого конта а місто o8jf2iwx.default назва вашого Firefox профілу.

У тім адресарю бы мали быти два файлы hu.aff і hu.dic. Тоты треба переписати нашыма файлами.

http://zvizda.euweb.cz/hu.dic.zip

Потім треба рештартовати Firefox, спробовати дашто написати, стиснути праве тлачітко на мышцї, означіти мадярчіну а означіти контролю правопису. Слова што не суть подля правил будуть підкреслены червенов чаров.