Kniha Nadіji Varcholovoj – ODKIAĽ A KEDY...

Na kincju noho roku, «Spіlka ukrajinskych pismennykіv Slovaččini» vydala knižku pracovničky Muzeja ukrajinskoj kultury vo Svidniku Naďіji Varcholovoj - ZVІDKI I KOLI. Ide o peršu publikaciju na Sloveňsku, v kotrij sja prezentuje žaner narodnoj tvorby, prihadok, pripovidok, v kotrych sja hvarit o minulosti našych rusinskych sel i o ťіm jak vznikali ich nazvy. Publikacija obsjahuje materijaly z ciloj rusnackoj okolici, to značit od Levoči, Staroj Ľubovnі, Bardova, Svidnika, Labirce, Varoša, Humennoho, Sniny.
Avtorka zozberanyj materijal zaradila do trjoch kapitol. U peršij kapitoli mož najti toponimicky prihadky o založiňu ta odvodžiňu nazvoch sel. Druha kapitola je venuvana toponimickym nazvam spojenym z prirodnyma ukazami jak sut verchy, žerela, chotari. Avtorka sja u tij kapitoli venuje aj vzniku nazvoch hraďіv, zamkіv, kašteľіv i monastyrіv. Treťa kapitola obsjahuje narodny prozyvky dakotrych sel, avtorka rozoberat dovod ich vzniku a na kincju kapitoly sut privedeny slovny hry, kalambury, synonimy, omonimy svjazany z hovorovyma zvlašnosťami konkretnych sel. Kniha je napisana v ukrajinčiňi, avtenticky zapisy sut privodžany v hovoroch konkretnych sel. Kniha obsjahuje i rezjume u slovackym ta anglickym jazyku i je obohačena staryma fotkami z našych sel.

Kiď chočete pročitati totu barz interesnu knihu, hledajte pid: Nadežda Varcholová. Odkiaľ a kedy... Vydal Spolok ukrajinských spisovateľov na Slovensku. Tlač Alldata v.o.s. Prešov - Svidník, 2009, 232 s.

Tot članok byl napisanyj na osnovi materijaliv:

Odkiaľ a kedy..., Dukla 06, 8. február 2010, s.8

Nadežda Varcholová vydala zaujímavú knihu s názovm ODKIAĽ A KEDY..., Podduklianske novinky 6/10, 8. február 2010, s.10-11