Warning: Table './petrios/accesslog' is marked as crashed and last (automatic?) repair failed query: SELECT uid, timestamp FROM accesslog WHERE (path = 'node/3973' OR uid > 0) AND sid = '1442439a92d664c7712edd01ae20cc0d' ORDER BY timestamp DESC LIMIT 0, 1 in /mnt/data/accounts/p/petrios/data/www/holosy/includes/database.mysqli.inc on line 128
Традичный русинскый погриб | Holosy

Традичный русинскый погриб

Традичный русинскый погриб – тема тяжка, з погляду церкивного – розпоруплна, з погляду културолоґицкого – прекрасна и богата.
Єм си того ведомый же тот чланок буде мал и своїх симпатизантiв, но и люди котры будут против тому жебы ся таке дашто писало. Прото поважую за потрiбне допереду упозорнити, же тот чланок єм писал з цилём захопити културны годноты традичного русинского погробу з пид Дуклi, а ниґде не пишу што є справне а што нi!

Кидь Русин тяжко похвориє, ёго родина ґу нёму прикличе попа, бы хворого высповидал тай помазал єлеём (тайна єлеёпомазаня), молил ся з родинов за тяжко хворого и потішал их. В минулости ся хворому, кидь было явне же гмерат, клала до рук свячена швичка котра му горила, бы у темнім одході з того швита нашол тот справный смер котрым ся мат побрати. Кидь є гмераючий довгый час у стави тзв. аґониї, люде гварят, же то мусил быти великый гришник а терпит уж ту на тым швиті, або же му тяжко одыйти з того швита, бо щи немат дашто доришене. Нашы предкове вирили, же кидь мертвому по сконаню зистане отворена ґамба або очи, скоро за ним гмре дахто з той самой хыжы а прото ся догнесь заховало, же мертвому по сконаню сродникы заперают очи а пидвязуют ґамбу. Як небижчик сконат, сродникы заставят в тым часи шыткы годины.
В хыжи де є положеный мертвец ся закрывают полотном шыткы скла а головні шыткы зеркайла, бы ся мертвец николи не призирал родині и бы их хыжа была хоронена од шелиякых призраків. Найближша родина обмыват тіло небижчика, бы з того швита одышол чистый так як и по народжиню го найсамперше омыли а вин на тот швит пришол чистый. Помершого облікают до найкрайшых лах якы мал, жены чепят на перо з когута, но контя ся не завязує ниякыма мотужчками. До труны ся не давают на ногы боканчи. В минулости ся тіло положыло на постіл аж до часу, покы ся в тій истий хыжи коло мерця не зготовила труна. В сучасности ся труны купуют а сут выбавены заголовчками, плахтами, в минулости ся труны выстеляли сином або соломов, даколи и старыма лахами, а прикрывали билым полотном. З переднёй хыжы ся вынесе шыток набыток, до середины ся поставят дви лавкы, котры ся прикрывают билым полотном котре ся не риже ножыцями або костуров а лем ся дре руками, бо и як Исус Христос на кресті умер та зависа церковная ся роздерла, а на тоты лавкы ся кладе труна з тілом небижчика. Коло труны ся кладут свячены швичкы, котры горят аж до самого погробу а здават ся нима честь тілу як храму святого Духа. На груди небижчикови кладут сродникы святы образкы Исуса Христа и Богородицы, до кешені свячену проскурку, до рукы билу хусточку, на руку окручают пацюркы а даколи до труны помершому вкладают и даяку йому любу вец наприклад циґаретлі, або палінку, або крисак, або даяку шумну хусточку... Мертвому Русине нияк раз не давают нияке золото, годинкы а ани молитвяникы (в минулости их был недостаток, прото єден молетвяник хоснувало ай дакелё ґенераций). Коло труны ся поставит стіл, на котрый ся кладе швичка, округлый хліб – знак вичности и танір зо свяченов водов а пукетков вывитов з барвинку – знак вичной красоты. Найстарша особа спомиджи сродникив дават остатным сродниким дрибны грошы, тоты приходжают ґу тілу помершого, пущают коло тіла грошы а при тым гварят: «За свою працю ту маш свою плацю!». Так само каждый зо сродникив ся поїмат великого пальця на ноги помершого а обсыпе ёго тіло маком або солёв – бы ся му николи помершый не привиджал и не ходил на нёго. Бы мертве тіло не наношало, нашы люде мертвым кладут на бріх під лахы желизо, котре вытягує теплоту з помершого. Тото желизо ся выберат перед погробом, но векшынов ся стават же є барз горяче. Так само бы помершого не надувало ся на дакотрых селох мертвому овяже малый палец на руци медяным дротиком, котрого другый конец ся запхад помиджи дылі до землі. Бы не было чути смрид, пид труну ся кладе видро з водов розмишанов з вицтом. За три дни три разы на день звонят за помершым шыткы дзвоны у церкви. Дзвониня мат шыткым людём у селі ознамувати, же у селі є мертвец, же за тоты три дни ся не мож веселити, свальбувати, но и наприклад райбати лахы. На дакотрых селох люде вирят, же дзвониня одганят чорта од тіла помершого. Другы зайс гварят, же дзвониния упозорнює святого Петра при небескых воротох, же русинска душа гледат драгу до неба, бы скоро розтворил ворота, бы нагодов сатан не поїмал тоту душу перед небескыма воротами.
Почас цилого часу ся не може стати, жебы тіло помершого остало саме у хыжи. Ґу вечеру ся в хыжи сходжают сельчане и родина помершого на швичиню, споминают на ёго жывит, ёго скуткы, споминают пригоды з ёго жывота, хлопи грают карты, курят циґаретлі або пипкы, шыткы пют, идят, повекшыні є атмосфера весела, иде о потлачиня жалю. В минулости ся пиля Свидника на швичиню грали и гры наприклад молоды часто грали таку гру – взяли хлопця, пидняли го а вин ся руками зависил на мищигряду а шыткы нараз кричали: «Висиш, висиш, за кого висиш?» Він повіл мено дакотрого дівчатиска, тото го мусило прийти поциловати а так го выслободило. Потім на мищигряду зависили тото дівча а так то ишло довкола. Многы русине вирят, же душа опущат чоловика аж в часи погробу, прото в хыжи не отваряют облак бы не одлетіла душа, а до мертвого бишидуют, бо вирят же вин их тоты три дни щі внімат. Так исто ся за три дни не мете хыжа, бы душу помершого не вымели гет.
На другый день ся хлопи зо села, на шоры, выберут на теметив выбрати гріб. Порожній гриб по выкопаню закрывают дочками а цельтами, гриб не може остати брез ніч отвореный, бо вирят же в такым припаді бы скоро умер дахто далшый зо села. Брез день приходит ґу помершому кантор (дяк), або лем родина помершого а читают Псалтырь. На столи за котрым ся читат псалтырь ся окрім швичкы находит и обчерствиня (вода, палінка, їдло). Вечур ся до хыжы сходжают молити сельчане, приходит и пип, котрый над тілом помершого одслужыт панахиду и парастас. Швичиня ся тягне аж до скорого рана подобным способом як и передошлу ніч.
В день погробу, скоро рано ся ходит скликувати по селі на погріб, так як у руснацкых селох є заужыване, же погробу ся зучаснює цале село, бо руснацке село – то єдна велика родина. Погриб ся у бежный день конат се лем дополудне, у неділю або свято одполудне. До двора приходит пип облеченый в чорных або багряных ризох (багряна барва є про Русинив смуточна), хлопи з крестом и чорныма (або багряныма) та билыма заставами, котры сут знаком Воскресиня. Заставы оставают на двори а до хыжы де лежыт помершый входжат пип и хлоп з крестом на котрый дакотра зо жен над порогом при вступи до обыстя завяже жалобну машлю (звекша багряной або фиялковой барвы). У хыжи пип кадит труну як знак того, жебы ся молитвы за помершого вознесли перед престол Божый и одслужыт панахиду. Покы до тых часив было тіло помершого одкрыте, почас погробу го закрывают билов плахтов по груди а чипкуванов плахтов цалком, акурат на голову ся выриже або даде лем выпоре діра до твару креста а позагынат ся до твару косоштворця. По панахиді пип покропит тіло помершого свяченов водов за помочи пукеткы з барвинку а труна ся забиват трёма клинцями, бо и Исус Христос был на кресті разпятый трёма клинцями. Барвинок є се зеленый а прото символизує вичный жывот а тіло помершого ся кропить за помочи барвинку свяченов водов як желаня, жебы душа помершого была очищена на страшным суді. Хлопи выношают труну на дверь, но над каждым порогом ся заставят а три разы трунов бухнут о тот поріг, бы ся помершый николи вецей не вертал и не перекрачувал тоты порогы.
На двори ся одправлят погрибный обряд, пип и дяк стоят за столом прикрытым билым обрусом, на столі сут положены округлы або овалны хлібы, танір з барвинком и горят свичкы. На погроби ся спивают єдны з найкрайшых писень в нашым выходным обряді. По проповиді пип помаленькы читат одпрошанку, почас котрой родственникы помершого прикликают ґу труні на форсть прикрыту тканым покривцём, тримают у рукох запалены швичкы и молят ся за упокой душы помершого. По одпрошанци наслідує послиднє цилованиє – шыткы люде идут довкола труны, цилуют распятя и тым як бы давали послидний поцилунок помершому. По каждым поцилуваню піп охтерат распятя до билой хусточкы, котру потім шмарит до гробу. За спиву и за звуку церківных звонив ся погрибна процесия выберат до церкви, де ся за упокой помершого одправлят свята литурґия. По одході з двора у обыстю остават дахто з родины, поотварят шыткы двері и облакы (жебы душа неостала у хыжи а выбрала ся на свий путь) а стил серед двора переверне горизнач. В церкви кладут труну з тілом помершого до середины, запалюют коло ней швичкы а хлібы кладут до переду на столик перед иконостас. По скинчиню погрибных обрядив у церкви ся зайс за спиву, читаня євангелий, и за звуку церковных звонив погрибна процесия выберат на теметив, на челі процесиї се иде крест як знак спасиня.
На теметови ся труна кладе на два колы над яму, потім єй спущают до гробу а то так же ногы смеруют на выход а голова на запад. До гробу ся недавают жывы квиткы ани на украшиня труны, бо люде вирят, же кидь до гробу идут жывы квиткы, потiм у сели умерают молоды люде. Пип знаком креста вырытым лопатов до глины на каждым боци гріб запечатує до другого пришествия Господа, до гробу высыпе ладан и попил з кадила, мече одпрошанку написану на папирю и билу хусточку, котров хтерал крест при послиднім цилуваню, вылиє звышню свячену воду и барвинок а танір шмарит до гробу так, бы ся на труні розбил. Шыткы ся помолят за упокой всих лежащих на тым теметови и каждый на знак жалю и розлучкы мече до гробу маленьку грудку глины.
По погроби ся позваны гості одоберают на кар, де ся подават предїдло, поливка, друге їдло, закускы, колачи, пиво, палінка, малиновкы, кавей, тей... Перед каром ся шыткы по християнскы наголос помолят а по закинчиню кару заспивают щі раз помершому Вичную память... а шыткым там притомным Многая літа... По кари, при одході каждый дистане до рукы зо собом од членів родины фалаток хліба.
По завершыню погрибных обрядив ся родина помершого поберат одпочити, бо по цилый час трёх днів погробу неспят. У передній хыжи ся першу цiлу нiч швитит швитло, горит швичка, на стил ся кладе фалаток хлiба - кибы был помершый голоден та ся щi послиднiй раз може прийти наїсти, танiр зо свяченов водов и ручник – кидь помершый одышол зо швита а немал ту дашто доришене, бы ся миг очистити тов водов и охтерати тым ручником.
За помершыма ся одправяют святы литурґиї а то у третій день по смерти (день погробу, «третины») – бо в тот день ся минит тварь помершого, бо помершый вирил у Тридневноє Воскресениє, помершый наплнял три чности – виру, надію и любов; у девятый день по смерти (тыжнёва служба, «девятины») – бо у тот день ся починат розкладати тіло помершого окрім сердцяте, просиме Бога бы на молитвы девять ангелскых чинів спасил душу помершого и приял єй до раю; у штерацетый день по смерти (штерацетднёва, «четыредесятины») – бо в тот день ся зачинат розкладати сердце, бо Исус и Мойсей и Илия ся штерацет днів постили, бо Исус по Воскресиню щі штерацет днів перебывал на землі; и на єден рік по смерти (рочна).
У сучасности ся уж поховават кажде тіло помершого зо скоро ривнакыма поцтами, но в минулости нашы предкове барз розлишували кого идут ховати, якый то был чоловик, яков смертёв пишол а мали свої заужываны законы. Наприклад кидь помер у селі або на хотари села жебрак, сельчане были повинны го поховати, три дни лежал пиля церкви пид фиртков а потім го поховали на край теметова, повекшыні лем овязаного в плахті. Кидь был дахто барз гришный чоловик, поховавали го без креста а тыж лем на краю теметова. Кидь до дакого стрилил перун, на тым мисци выкопали яму, до котрой того чоловика загребли на стоячи аж по шыю а кидь ся до трёх днів непробудил а земля з нёго невытягла електрику, та го потім загребли мимо теметова або докинця на тым мисци де го нашли. Кидь ся дахто залял у воді, ёго тіло загребли мимо теметова бо вирили же кибы го поховали з поцтами, град бы стрепал цилу наслідуючу уроду. На теметив ся неховали ани люде, котры суй сами зробили смерть. Кидь наприклад нашли обишеника, закопали го на тым мисци де го нашли а каждый хто ишол коло того мисця на гриб шмарил даякый каминь або палицю. Такисто пид плит на теметови ховали діти, котры ся родили нежывыма або щі не были покрещены.
В минулости нашы предкове за помершыма не носили чорнину а то з културного и економицкого доводу. З културного доводу – русине як християне вирили, же смертёв жывит не кинчит а смерть брали як нормалну сучасть жывота. З економицкого доводу – русине главнi в горскых областёх были худобны а часто мали лем єдны лахы и на бежный день и на недiлю. Старшы люде споминают, же над Свидником до другой войны ся на погриб носили тмавы лахы, чорнину завели аж по другий войнi, коли нашы люде были евакуваны пиля Пряшова а там видiли же люде носят чорнину. Завели ся и правидла ношиня чорнины главнi про жены: за мужом, витцём, матiрёв, сыном, дiвков – до рока; за братом, сестров, свекором, свекров – пiв рока; за швоґром, швоґринов, уйком, учинов, тетов – 40 днiв; братняком, сестряницёв – до 1 тыжня.
И такый был а щи и є русинскый погриб пиля Свидника. Тото пиля Свидника уваджам прото, же ай при погроби платит русинска пословиця «Кажда хыжка инакша варишка» - кажде село инакшый обычай.

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je nediľa

21. jul 2019


Юліаньскый календарь:

8.юл 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.