Stebničanka - ženskyj špіvackyj kolektiv zo Stebnika

Pri prihotovlіňu švata 580. rіčnici peršoj zmіnky o selі Stebnik tovdіšnyj starosta Petro Kučečka prišol z napadom založyti žeňskyj folklornyj špіvackyj kolektiv. Na počatku bylo v kolektivі 12 stebnickych žen і hudobnyj vedučіj Ivan Sidor. Kolektivom zavіduvala Marіja Homza. Іch perše vystuplіňa na spominanjij oslavі malo velikyj uspіch. Pošmіleny peršym uspіchom і nadale usilovno robili. Dali sobі pošyti novy kroji, taky jaky ša dakoli v Stebniku nosili. V іch repertoarі perevažno rusinsky špіvanočky, pri kotrych іm pomohli і staršy pamjatnici Stebnika. Ale špіvajut і slovensky і poľsky. Podľa toho de akurat vystupujut.
Vystupľali na rozdjilnych domašnjich festіvalach v Chmeľovіj, Becherjovі, Bіlovežі, Nižnjij Poľankі, Kružľovі, Bardіjovskych Kupeľoch і v Lіesku na Oravі. Іch prekrasny špіvanočky už čuli і v sušіdnіm Poľsku, na lemkіvskіj vatrі v Ždynі, na švatі žniv v Lužnіj і v druhych selach blizko hranici. Za perešly roky Stebničanka byla vecej raz ocіnena. Na festіvalі folkloru rusinіv-ukrajincіv v Kamjonkі pri Starіj Ľubovnji byli dva raz tretji, dva raz druhy a dva raz ša vernuli z najvyšym ocіnіňom.
Dešat rokіv svojoj uspіšnoj roboty zaveršyl kolektiv tym, že vydal svіj peršyj hudobnyj album pіd nazvom - Ked ja byla molodeňka.
Z toho albumu možete na Holosoch vysluchaty spivanky:
Ani ja ne stadyj
Oj Bože mij što ja porobila
Červena ruža
Što šja stalo