Warning: Table './petrios/accesslog' is marked as crashed and last (automatic?) repair failed query: SELECT uid, timestamp FROM accesslog WHERE (path = 'node/3801' OR uid > 0) AND sid = '4f63931737500cda29534478132fe58f' ORDER BY timestamp DESC LIMIT 0, 1 in /mnt/data/accounts/p/petrios/data/www/holosy/includes/database.mysqli.inc on line 128
Послїдовность хрістіаньскых подїй в Бокші | Holosy

Послїдовность хрістіаньскых подїй в Бокші

Остатнї тыжднї місяця май і першый день місяця юн были про містьску часть Стропкова Бокшу особливо вынятковы, што ся тыкать хрістіаньского жывота обывателїв. Вшытко ся зачало в середу 23. мая, коли до Бокшы завитав путовный образ Божой милости, котрый путує з парафії до парафії в рамках цїлой Пряшівской архієпархії. Попри тематічных казанях присвяченых Божій милости, св. сестрї Фаустінї Ковалскій та і молитві Корункы Божой милости, вірникы оставають в церькві на літурґічных службах Божых і адораціях перед самым образом і в часї дня. Святочну гомілію з нагоды навщівы того образу проповідав о. Йозеф Кішак, ЦссР, котрый казаня присвятив передовшыткым пояснїню понятя, што то властнї Божа милость є та якого хісна з нёй мають вірникы ці обычайны люде. Даяку часть гомілії присвятив ай сестрї Фаустінї Ковалскій.

В недїлю на свято Сошествие святого Духа або Русаля (Русаля, Зелены свята), ся зясь одбыло перше святе приїманя. Характерістічным сімболом того свята суть посвячены липовы або лїсковы конарикы, котры мають охранну функцію перед нещастями і вшыткым планым. Парадять ся з нима хыжы і ґаздівскы будовы. В церькві посвячены конарикы, пихали даколи ґаздове до своїх орных земель, жебы град уроду не загубив. Але то мы уж дакус ся одхылили од первістной темы. Хріста першыраз в евхарістії прияли: Якуб Байцура, Домініка Гринкова, Караріна Марціновова, Соня Жякова і Станїслава Джаворонкова. З цїлого сердця їм жычу, жебы сі Хріста приятого в евхарістії важыли, бо лем ВІН їм в цїлім жывотї поможе.
Перейдьме але к головному ядру нашого приспівку. Акурат в пятніцю 1. юна од 18.00 до 24.00 ся на цїлім світї одбыв проєкт під назвов Ніч храмів, початок котрого дало знати о 17.50 дзвонїня дзвонів. О тім, што то Ніч храмів властнї є сьте мали можность дочітати в опереднїм выданю Спектра (ч.22 позн. автора). Головну святу літурґію служыв декан стропківского деканату о. Штефан Вансач, котрый тыж попритім вив катехезу о родинї, яку роздїлив на три части, вєдно з ним служыв о. Йозеф Войтіла ЦссР. і о. Павол Томко ЦссР. Катехеза, або выклад о родинї, была роздїлена на три части, в котрых мали вірникы можливость порозуміти головный змысел родины і тыж мали можливость чути о небеспеках днешнёй добы на молоды родины. По тых вычерьпных інформаціях мали вірникы простор на то, жебы ся освіжыли і сучасно прирыхтовали на головный пункт цїлого вечера, а то концерт Анны Сервіцькой.
Она была годна своїм співом наладити тоту потребну атмосферу тай собі дозволю твердити, же неєдно око не остало сухе по тім бравурнім выконї. Заслужыла собі standing ovation за міцного ляпканя. Сердця людей обогатила нелем красным співом, але поміджі співанкы ай оповіданями з єй властного жывота. Могли бы сьме повісти, же акурат єй особны скусености єй догнали к творчости такых піснєй. Завершіня цїлой Ночі храмів належав адорації і чести выложеной евхарістії. Адорацію вели молоды зо Стропкова, обогатили єй о Боже слово.
На конець мі не оставать ніч інше, як выразити спокойность з цїлым ходом той акції і може зажелати, жебы ся такы акції ставали частёв хрістіаньского жывота, ці в містах або селах на Словеньску.

Патрік Галай

Веб: www.farnostsp-boksa.wbl.sk
Імейл: farnostboksa@centrum.sk

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je vіvtorok

16. jul 2019


Юліаньскый календарь:

3.юл 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.