Ґенеалоґія

Дакотрых своїх предків познаме але векшына з них уж є нам незнама. В гнешнїй добі може вецей знаме о такзваных целебрітох як о своїм прадїдові.

Тяжко зистити же як ся звали нашы пра-прародиче перед 500 рокамі але даст ся допатрати же хто был наш предок перед 200-250 рокамі Єдноу з метод ґенеалоґії є скуманя родокменїв і тоту методу бым хотїл лаіцкы пописати.

На зачаток треба понавщівлювати своїх прибузных або люди што могли познати дакотрого з нашых предків і посписувати шыткы хоснувательны інформації про наше баданя. Велё старых люди знат з бисидуваня што было і 50 років перед їх народжінём. Далей можеме походити по цинтирёх і записати рокы народжіня і смерти.

Кедь уж тото шытко маме на ряді сут матрікы. Од року 1895 ся дают найти скоро шыткы зазнамы о крещінях,манжелствах і умертях в штатных цівільных матрикох але приступ ку зазнамом мают лем прибузны гледаной особы.

Перед роком 1895 ся вели церковны матрикы котры єдным разом служыли і на цивильны цілї. Тоты матрикы были зоштатнєны і теперь сут уложены в штатных архівох за поплаток приступны шыткым бо на них уж закон о охранї особных дат неплатит. Церковны матрикы были нафілмуваны на мікрофілм а на перезераня служат шпеціальны читачкы.Векшына з тых мікрофілмів была скопирувана мормонами (Later-Day Saints (LDS) Church) в Споєных Штатох Америцкых і тоты філмы мают уложены десь в яскынёх.

На велику радїсть многых тоты філмы были мормонами диґитализуваны і сут приступны на інтернетї.

http://pilot.familysearch.org/recordsearch/start.html#p=allCollections;r=1

Ку тому жебы сьме їх добрі порозуміли потребуєме знати пару церковнославянскых,мадярскых і латїнскых термінїв Рекомендую сайт:

http://www.bmi.net/jjaso/

Выслїдкы нашого скуманя треба і дакде уложыти на то служат розны програмы.

Про Linux рекомендую  GRAMPS,

http://www.gramps-project.org/wiki/index.php?title=Main_Page

докаже робити выступны графы, текстовы зоставы, дорахувати одгадуваны датумы, контролювати конзістенцію дат ітд.

Про Windows ексістує тыж множство ґенеалоґіцкого софтверу але немам з нима особны скусености, так небуду жаден менувал.

Опросы рад одповім в діскусії.

Желам велё успіхів в баданю.

Zdieľať na Facebooku

Dneska je subota

24. august 2019


Юліаньскый календарь:

11. áвґуст 2019

Mapa registrovaných používateľov Holosy.sk

Písanie dokumentov po rusínsky pomocou OpenOffice

Písanie rusínskou cyrilikou v systéme Windows 7

Ako modifikovať Firefox, aby kontroloval rusínsky pravopis

Posl´idn´i komentar´i

Banner pre vaše stránky

Budeme radi ak Holosy spropagujete aj na vašich stránkach pomocou reklamého bannera.

Komunitný portál karpatských Rusínov

V prípade záujmu o výmenu bannerov, nás kontaktujte.