Рыхтованя їдел на русиньскый фестівал стравы в Ембріджі

В понедїлёк вечур "Halushky Stirrer Society (Здружіня мішачів галушок)", або HSS -- ґрупа хлопів векшынов штиридцятників тай пятьдесятників -- ся споїли жебы приготовити 500 порцій бандурчаных галушок.

В їх кухнї -- зробили мішанину в пару великых купчіх горцях -- они протисковали тїсто з воды, яєць, мукы і бандурок до галушок велихых як теёва ложочка.

Під калапами і хустками мали спочене волося, та за фартухами они ховзали порції галушок до горнцїв, мішаючі, жебы ся галушкы не злїпили. Як треба, перемістять напівварены галушкы з крохмалёвой воды до чістого горнця.

Кідь єден з хлопив собі думав же ёго порції уж готовы, другый то потвердив. Они дали галушкы до друшляка та пак їх промыли в зимній водї. Остатковый крохмаль робить галушкы ґумовыма.
За веце як три годины, они галушкы метали до воды, варили, промывали і тїшыли ся взаємно.

Але они далеко од професіоналных кухарїв. Річ є фінанчный професіонал, і Ерл робить в роботах про публіку. Тім є проєктовым манажером про дізайн і вывой промысловых пец. Тодд є архітектор та і мімо того музикант котрый грать кантрі-рок.

Вшыткы суть членове православной церькви св. Йоана Хрестителя в Ембрідж, і тыж они десять років вєдно роблять галушкы на шторічнім фестівалї русиньского їдла.

Можете окоштовати їх шпеціаліты на 19. шторічным бесплатнім фестівалї, котрый проходить од 2. до 4. авґуста.

"Є то можливость про хлопцїв з церькви ся стрїтити," повив член HSS Джон Кіріш. Він є манажером найзнамішой корениновой компанії в Пітсбурзї.

"Забештелёвали сьме то шість тыжднїв допереду. Так можеме забеспечіти же вшыткы гармоноґрамы суть ясны."А они не сами.

"Там є ґрупа што ся стрїчать та робить голубкы, пак ґрупа што ся зыйде і роблят пирогы," повив Джон Ріґгетті, презідент конґреґації Св. Йоана і ґенеральна голова фестівалу. "Треба пару місяцїв, жебы реалізовати гевсе."

Не чудо бо раховуючі скоро 150,000 ручно робленых пирогів єсть на продай.

Пан Ріґгети започав Фестівал русиньского їдла скоро два десятьроча тому тыж як і збераня грошей на церьков та і навчаня Западной Пенсілванії о карпаторусиньскій културї.

"Несмотрячі на то же нас гев тілько велё, барже мало Пірсбурґчанів о нас знать і знать велё о нашій културї," він повив.

Западна Пенсілванія включать найвекшу карпаторусиньску популацію в Споєных Штатах, і велика частина населїня в Европі теперь коло граніць Польска, Україны і Словеньска. Але під Совєтьскым союзом Русины не были признаны окремов етнічнов ґрупов, повив пан Ріґгетті.

"То было лем паджінём комунізму в 1989 роцї же карпаторусиньска комуніта в Споєных штатах зміцнила, як ся стало і нашым братам і сестрам в Европі."

Далша смакота на фестіваловім меню: паґач, русиньска піцца або повненый тонкый хлїб обсягуючі парадічкы і сыр або солодку капусту. Поливкы включають борщ в русиньскім штілї - - інакшый як російскый, україньскый або польскый -- та і грибова, фасолёва і солонинова поливка. Морков і ябко, солодкый і квасный русиньскый лїтушнїй шалат тыж ся буде продавав, як додаток ку карпатьскому капустовому шалатови і моркві і петрушцї.

Цїны скромнїшы -- галушкы за $1.75 -- таже можете спробовати повный танїр із смакотами за менше як $10, повив пан Ріґгетті.

Велё з тых їдел суть опорами фестівалу а были роками выбрушены. Але новы їдла тыж суть при окації.

"Привіз єм рецепт назад з русиньской теріторії в Польску -- поливка з квашеной капусты з пирогами з мясовов наповнянков," повидав він. "Грам ся з тым. Може спробую тото на далшый рік."

Велё з ввареного годен купити, в тім чіслї русиньскы маргулёвы торты, паскы, орїховы рожкы, і класічны орїхы, маргулї і маковяникы. Ґрупы як є HSS прирыхтовали даякы дїла; особы варили і дашто друге. Пан. Ріґгетті пік палачінкы з русиньскым сыром і овоцинов.

Тогорочный фестівал стравы быв з выставков пріватных фотоґрафій з каждоденного жывота Русинів в підкарпатьскім реґіонї, зниманы през 15 років -- од 1991 до 2006 -- празьков фотоґрафков Данов Кіндровов.

"Ціль того є вказати як незмінный жывот є там," повив пан Ріґгетті. "Кідь посмотрите на тоты образчікы, кортить вас повісти, 'Тоты образчікы были зроблены 150 років а не 10 років тому.' "

Тыж на выставцї: русиньскы народны строї і ручно різбляны деревяны предметы. Парафіяне церькви будуть продемонштровати традічне уменя писанок (русиньскы декорації Великодных яєць), вышываня і плечіня.

А в суботу о третїй пообідї, Славяньскый Русиньскый Народный Ансамбель, ґрупа інтерпретів од 6 до 18 років буде вказовати карпаторусиньскы співанкы і танцї.

На фестівалї будька де продавають різбарьскы продукты і вышывкы. Участници можуть собі купити "Карпаторусин і гордый" трічка так само як і хрістіаньскы іконы выходного обряду і літературу.

"Та як гев прийдете, дістанете вшыткы сорты традічной русиньской стравы, вшыткы сорты русиньского вареного, можете купити довезены русиньскы предметы, можете відїти русиньскый танець і послухати співаня, можете попозерати русиньске уменя, можете відїти якый є жывот Русина," повив пан Ріґгетті. "Є то скоро як піти до Европы."

Жрідло:http://www.post-gazette.com/stories/life/food/st-johns-men-prep-for-rusyn-food-festival-in-ambridge-647243/

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je vіvtorok

21. maj 2019


Юліаньскый календарь:

8.май 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.