Мапа русиньскых сел на Словенську - актуалізація на основі выслїдків списованя людей в року 2011 - найвекшыми русиньскыми центрамі суть - Міджілабірцї, Гуменне і Свідник

Реґуларне списованя жытельства, домів і бітів ся на Словенську по десятых роках реалізовало в маю 2011. Вырїшалным моментом списованя была північ з пятніцї 20. мая 2011 на суботу 21. мая 2011. Окрем множества далшых інформації ся тыж зіщовала народность і материньскый язык жытелїв СР. Офіціално узнаванов народностёв на Словенську єсть і народность русиньска. Выслїдкы списованя суть знамы уж пару місяцїв. Теперь суть выслїдкы запрацованы і до мапы русиньскых сел на Голосох. Мапа выказує і порівнує выслїдкы списованя жытельства в роках 1930, 2001 і 2011 з погляду чісла жытелїв, котры ся приголосили к русиньской (респ. в року 1930 к руськой народности в конкретных селах Словенська.

Прі списованю жытельства в року 1930 ся вообще неписала русиньска народность, але лем руська народность. Руська народность так обсягнула великоруську, україньску і карпаторуську народность. Тоты три народности документовали тодышнїй став, такзваных трёх руськых народных прудох. Подля выслїдків списованя жытельства в року 1930 на Словеньску жыло 91 078 жытелїв руськой народности. Почет сел, где ся веце як 10% жытелїв пригласило к руськой народности быв 271.

Прі списованю жытельства в року 2001 ся к русиньской народности пригласило 24 201 жытелїв. К русиньскому материньскому языку ся пригласило 54 907 жытелїв. Почет сел, где ся веце як 10% жытелїв пригласило к русиньской народности быв 148.

Прі списованю жытельства в року 2011 ся к русиньской народности пригласило 33 482 жытелїв. К русиньскому материньскому языку ся пригласило 55 469 жытелїв. Почет сел, где ся веце як 10% жытелїв пригласило к русиньской народности быв 183.

На приправленой мапкі суть:

- зеленов значков вызначены села, где было веце як 10% жытелїв руськой / русиньской народности во вшыткых евідованых роках - в року 1930, 2001 і в року 2011,

- червенов значков вызначены села, где было веце як 10% жытелїв руськой / русиньской народности лем в роках 1930 а 2001 (в року 2011 быв почет жытелїв русиньской народности меншый як 10 %),

- белавов значков вызначены села, где было веце як 10% жытелїв руськой / русиньской народности лем в роках 1930 а 2011 (в року 2001 быв почет жытелїв русиньской народности меншый як 10 %),

- жовтов значков вызначены села, где было веце як 10% жытелїв русиньской народности в роках 2001 а 2011 (в року 1930 быв почет жытелїв руськой народности меншый як 10 %),

- помаранчовов значков вызначены села, где было веце як 10% жытелїв русиньской народности в року 2011 (в роках 1930 і 2001 быв почет жытелїв руськой / русиньской народности меншый як 10 %),

- чорнов значкоу вызначены села, где было веце як 10% жытелїв руськой народности лем в року 1930 (в роках 2001 і 2011 быв почет жытелїв русиньской народности меншый як 10 %)

Пару інтересных чісел списованя в року 2011:


Найвекшыми русиньскыми центрамі подля абсолутного чісла жытелїв, котры ся приголосили к русиньской народности суть міста:

- Міджілабірцї - 2419 жытелїв русиньской народности,
- Гуменне - 2263 жытелїв русиньской народности,
- Свідник - 2257 жытелїв русиньской народности.


Далшыми великыми русиньскыми центрамі, где жыє вецей як 1000 жытелїв русиньской народности суть міста:

- Снина - 1663 жытелїв русиньской народности,
- Кошіцї - 1643 жытелїв русиньской народности,
- Пряшов - 1455 жытелїв русиньской народности,
- Бардеёв - 1093 жытелїв русиньской народности.


В Братїславі ся зо 411 228 жытелїв прігласіло к русиньской народности 747.


Протів року 2001 прибыло 36 сел, где ся к русиньской народности пригласило вецей як 10 % жытелїв (Боґлярка, Буковець, Ґерлахів, Гайтівка, Грабівчік, Іновець, Капішова, Ковбасов, Колоніця, Корунків, Крайня Поляна, Криве, Кыёв, Ладомирова, Липова, Літманова, Малый Липник, Матисова, Новоселіця, Ольшавцї, Орлов, Ортутова, Порач, Рогожнік, Руськый Грабовець, Руськый Потік, Снаков, Сольнік, Стриговець, Шамброн, Шаріське Ястрабє, Вальківцї, Варадка, Великый Липник, Віслава, Зубне).


Протів року 2001 прибыли 4 села (Машківцы, Ніжні Репаші, Тихый Потік, Торіскы), где ся в року 2011 к русиньской народности пригласило вецей як 10 % жытелїв. В роках 1930 а 2001 быв почет жытелїв руськой / русиньской народности меншый як 10 %.


По списованю жытельства в року 2011 убыло 5 сел (Длгоня, Грабова Розтока, Ломне, Пітрова, Піскорівцї), где ся в роках 1930 і 2001 к руськой / русиньской народности пригласило вецей як 10 % жытелїв.

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je pjatnіca

22. september 2017


Юліаньскый календарь:

10. cептéмбер 2017

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.

Зареґіструйте ся!

Кідь ся хочете актівно запоёвати до дїяня на Holosy.sk і звышыти комфорт у хоснованю сторінок зареґіструйте ся.

Контактуйте нас

Кідь мате вопросы або коментарї, можете нас контактовати через формуларь на сторінках.