Абсолут Варгола - До Меджілаборець драга довга або Анди - найславнїшый Русин світа
З офіціалного тексту дістрібутора:
До Меджілаборець драга довга або Анди - найславнїшый Русин світа. Режісер Станїслав Муха патрав в маленькім селї Микова на выходным Словенську по корїнях славной попартового леґенды - Анди Варгола. Філм, котрый здобыв многы оцїнїня на фестівалоx по цілім світї.

***

Філм взникнув в року 2001 а на Голосоx го можете посмотрити през перелінкованя з ИоуТубе-у.

Найновше чісло русиньско-мадярьского двоймісячника Русинськый світ обсягує тоты темы:
- Курта кроніка
- Мы будеме проповідовати твоє имня з поколїня на поколїня!
- Поєднї інтереснї факты з часув Ференца Раковція II
- Куртоє слово за Александра Духновича
- Наші гостї
- Будапештськоє Столичноє Русинськоє Націоналноє Самосправованя
- Захранїм наші бавкы вадь Чи будеме ищи даколи піґу бити

В рамках проґраму Од села до села ся в Радіу Патрія презентовали жытелї села Руська Быстра. Руська Быстра є село в окрeсї Собранцї. Село в релації наперед представлять староста Ян Сакуліч. В релації о жывотї в селї бісїдують жытелї села.

Вецей на:

http://kultura.sme.sk/c/6364071/rusini-v-tomto-storoci-zaniknu.html#ixzz...

В суботу 28.4.2012 ся в Сполоченьскым салу Дому народностных меншин одбыло промітаня фотоґрафа Івана Марка зо Свідника. І. Марко во вабивой презентації представив свою дакількорічну роботу, в котрой ся заміряв на некомерчне мапованя деревяных сакралных ставеб (церьквы) во выходных Карпатах. Інтересны повіданя доповнил інформаціями о проблемах, з котрыма ся стрітив при комплетізації матеріалів. Простор дістали і далшы турістічны цілы - стопы архітекта Д. Юрковіча в реґіону карпатьскых Русинів, котрый на Лемковинї реалізовав вецей войсковых цінтерёх в людовым штілу.. В послїднїм блоку представил выслїдок усіля турістів в піддукляньскым реґіону, котрым ся здарило поставити три розглядни. Презентація была вкусно доповнёвана музичными вступами о котры ся постарало співацьке дуо Мірям Цубякова і Тіна Маркова. Обидві дамы пособят в Катедралнім збору св. Кіріла і Метода в Кошицох. Про промітаня нарихтовали шпеціалный русиньску проґрам з музичным допроводом. На музичных інштрументох їх допроводив Штефан Душíк.
По скінчіню офіціалного проґраму наслїдовало неформалне посиджіня і діскузія в просторах Дому народностных меншин.
І тім способом бы сьме хотїли за здружіня Русины.цз подяковати вшыткым менованым за прирыхтованя интересного проґраму і підпору актівіт Русинів в ЧР. Вшыткы брали участь без пожадавку на награду путёвыx і квартелёвных накладав або гонорар.
Вецей інформацій о актівітах І. Марка найдете на:

http://www.drevenecerkvy.szm.sk/
http://www.facebook.com/pages/Wooden-Tserkvas-Drevene-cerkvi/30259646902...

Філозофічна факулта Пряшівской універзіты на своїй вебсторінцї опубліковала темы дізертачных робот окремых школителїв на академічный рік 2012/2013.

В штудійнім одборї 2.1.28 славяньскы языкы і літературы в штудійнім проґрамі славістіка є выписаных по першырыз пять тем з русиньского языка і літературы доц. ПгДр. Анны Плїшковой, ПгД. Потенціалны докторанды, котрых інтересує сфера карпаторусиністікы і перспектівно уважують ся нёв занимати професіонално, можуть собі выбрати з наслїдуючіх тем:

1. Лексікално-штілістічны аспекты русиньского языка в умелецькій прозї Марії Мальцовской.

2. Языкова култура і языкова норма сучасных русиньскых масмедій в СР.

3. Язык русиньской літературы народного возроджіня і сучасный русиньскый літературный язык.

4. Тенденції розвоя языка карпатськых Русинів на сторінках періодічной пресы другой половины 19. ст. – першой половины 20. ст.

5. Русиньскый літературный язык в процесї зближованя варіантів.

Приглашкы на докторандьскы штудії ФФ ПУ приїмать до 4. юна 2012.

Веце інформацій мож найти на: http://www.unipo.sk/1071.

В чіслі 8 / 2012 Інфо Русина дочітате ся:
- АТРАКТІВНА ЗОЛОТА БОЧКА: Грошей менше, но творів што раз веце
- В Чічаві засідав Выконый выбор РОС
- Незвыкла славность в Леґнаві
- Навернутя Великодных свят з домовины і зо світа
- Присвящено ку жывотному юбілею предсідателя РОС і тайомника СКР Владиміра Протівняка
- Єдиный Мост-Гід подяковав
- Округлый юбілей вызначного русиньского писателя О. Кудзея
- Язык є жывый орґанізм і мы в процесі експеріменту
- Попробуй то іщі з Леґнавов - заслужыть собі тото!