Пущаня припоминають зачаток Великого Посту

Традіція Пущаня єсть до днеська утримована в селї Камюнка, де ся орґанізує при той нагодї културный проґрам.
З того села походить і співанка Пущаня, пущаня:
Пущаня, пущаня, пущаньовы часы,
поїли сме сало, зъїджме і кобасы.
Пущаня, пущаня, кажда свого пущать,
я свого не пущу, най допче капусту...
Співанка была і сучастёв выберовой награвкы OĽUN - Rusínske Piesne Spiša, Šariša a Zemplína. Інтересне тыж єсть, же у евангеліків і римокатоликів зачінать піст на Попільну середу, того року днеська - 22.2, Про дакотрых ґрекокатоликів - Свята Штиридцятьница - ся піст зачав уж в понедїлёк - 19.2 , і про дакотрых ґрекокатоликів і про православных зачне аж в понедїлёк - 27.2. Подля того чі утримують ґреґоріаньскый або юліаньскый календарь. До 40 днї посту рахують ґрекокатолици і православны суботу і недїлю, римокатолици недїлю не рахують.