проф. Милош Містрік - шкода, же меншыны не жадають о пріватне радіо ці ТВ высыланя

23. фебруáр 2012 - 16:48 послав kory

Радіо і телевізія

Повідомлїня Рады про высыланя і ретрансмісію Словеньской републікы:

Языкова розмаїтость в словеньскых медіах - подля повідомлїня о станї высыланя в Словеньскій републіцї і о дїянї Рады про высыланя і ретрансмісію в сучасности высылать 19 высылателїв на основі ліценції телевізны проґрамовы службы в языку народностной меншыны. Їх высыланя проходить в мадярьскім языку.

Далшы народностны меншыны а етнічны ґрупы не мають своє высыланя на базї ліценції, достаточный простор але мають становленый во верейноправных округах. Подля послїднёго штатістічного списованя обывателїв ся к членам народностных меншын приголосило 704 315 особ, што чінить 13,1% з цалкового чісла жытелїв СР. З того найвеце представленых была мадярьска меншына (9,7%), слїдує циґаньска (1,7%), чеська (0,8%), русиньска (0,4%), україньска (0,2%), нїмецька ((0,1%) а далшы. В роцї 2009 пожадало Здружіня Русинів Словеньска о пряшівску радіову фреквенцію 97,2 MHz, але кідьже ішло о обчаньске здружіня, Рада му на основі закона ч. 308/2000 не могла ліценцію присудити. В сучасности Рада не евідує жадателя, якый бы явив інтерес высылати в языку народностных меншын. „Є то шкода, же далшы народностны меншыны не жадають о можливость мати пріватне телевізне ці радіове высыланя, шак бы ся істотнї нашла ай підпора зо словеньскых або европскых фондів," выразив ся к сучасній сітуації председа ліценчной Рады проф. Милош Містрік.

Я лем додам, же в часї, кідь уж ай малы міста мають свої телевізії а техніка не є така дорога як была оперед, є досправды велика шкода, же Русины не мають свою телевізію...

Жрідла: http://www.rada-rtv.sk/sk/spravy/index.php?aktualitaId=1287

Кідь хочете придати коментарь або стягнути співанку, мусите сяприголосити або alebo зареґістровати.
73x прочітане

іщі єден додаток, подля мене

21. фебруáр 2012 - 20:27 послав kory.

іщі єден додаток, подля мене то не є нереалне, лем нїт затля людей. Залежыть од фінанцій ці бы высылала лем через інтернет або і терестріално. Хоць лем пару годин тыжденно. Роблять ся концерты, суть службы божы, ведуть ся розговоры, то бы стачіло лем накручати, не мусять ся куповати дорогы серіалы ці філмы.

Же ся то не дасть є найлегше повісти, але кідь Лемкы в Польску, котрых є 5000 годны мати радіо, мы не годны мати дашто таке тыж?

Кідь пан професор Містрік повість же дотації на пріватны медія бы ся нашли, стоїть над тым ся задумати.

Десь єм чітав же ся зганяють пінязї з дотацій на даякый русиньскый дом в Братїславі, но телевізія або радіо є овелё лїпша інвестіція як даяка будова де бы собі дехто робив бізніс.