Ščedryj večur a jaka byla zima
Po, 21/12/2009 - 21:57 poslal jozko
Zdieľať na Facebooku
Choču doplniti Maťa, jak piše o zvykoch na ščedryj večur. Ja pochodžu z druhoj dolyny ale podobni bylo i u nas.Pamiatam sobi, že to byl zvlaštnyj deň. Jak diti zme ša barz tišyli a s velykoj zvedavosťov zme čekali na večur.To ša dast len prežyti a ne o tim pisati. Po obidi sme nanosili drovna, žeby bylo i na peršyj sviatočnyj deň.Pritom sme dumali na dajaku slobudnu divku. Ked sme prinesli drva na parne čislo, tak ša nevydat, ale ked bylo posledne drovno neparne, tak mala ša vydati.
»
- Ak chcete pridať komentáre, tak sa musíte prihlásiť alebo zaregistrovať.
Gidu Jožku, nedast mi
Gidu Jožku, nedast mi nenapisati ši jeden komentar´ a to takyj, že može nedopatriňom a može vam do toho už zapalo slovenske štedrý večer no kiď suj spomjanete u nas jest inakše pomenuvaňa tych večeriv.
24.12./6.1. Štedrý deň - u nas je SVJATYJ VEČUR
5.1./18.1. je u nas ŠČADRYJ VEČUR
Ta toto mate 100% pravdu,
Ta toto mate 100% pravdu, to´m zabyl napisati - dryva nosime doteper´ molody, a jak vyjde para ta do roka nič zo svaľby a jak nevyjde para ta do roka bude svaľba
Ďivky choďat i trjasti zo slivkov by sja skorše vydali a z kotroj strany peršyj pes zabreše, z toho kincja abo z toho smeru budut mati muža
Zima jaka byla. Maťo mi
Zima jaka byla. Maťo mi poslal mejl, že u nych pid Duklou bylo v noči -23 stopniv pid nulou.A to ša každyj čuduje i tu B-lavi.V 5O-tych rokoch minuloho stolitia, ked jem chodyl do Gymnazii do Svidnika, tak vzimi nas vozili na zapriahnutych sankach.Žeby sme nepomerzli(vse nas bylo 5 i 7 chlopciv), tak rodiče v noči zohrivali tehly, potim ich zakrutili do starych derokiv a položyli do sanok, žeby nam nohy nepomerzli. Rodiče ša každyj deň stredali. Chto nedal teply tehly,tak zme ša vyzuvali a rokami terli paľci na nohach.Todi iši autobus nepremaval.
Šnihu nakurilo tiko,že sme pered kuchňou s pi d oblakiv mušili odhrnuti šnih, bo v kuchni byla cma. To byli zimy. Teper, ked je -15 stopniv, tak každyj horeňkuje. Jozko
Ta to znate, keby teľo
Ta to znate, keby teľo stupňiv bylo u Braťislavi, ta o ťim znat cile Sloveňsko a kalamita taka, što by i žyvit sja tam zastavil
no u radiju hvarili, že piľa Svydnyka, Labirce bylo až do -25 stupňiv.
U televizori chkazuvali na Oravi, bo byla najnižša teplota -20,3 stupňa, ta to tak mate, nas tu jakbač ani za Sloveňsko nerachujut
Ja što za mojoho kurtoho žyvota´m zažyl, byla najnižša teplota -28 stupňiv a to bylo presňi 28. januarja 2006 roku.
Iši chču k tym zvykom
Iši chču k tym zvykom doplnyti.Pri večeri na Sviatyj večur ša s každoho idla bralo len po kus. Ked sme ša nakonec znovu pomodlili, tak každyj pokračuval v idžiňu što mu najvece chutnalo. Obyčajni sme ša hornuli ku perohom, k bobaľkam.Potim sme dali na zemľu 3 bobaľky a každa mala meno divčatiska kotre ša nam trom chlopcim pačilo.Kotru bobaľku mačka peršu vziala , tak tot brat mal istotu, že aj divčatu ša pačit. Calkom na konec po vačeri otec z toj solomy što byla pid stolom zrobyl maly poveresla a išol do zahorody oviazati strmky, žeby dobri rodyli. Jozko