Темнота

Перестаньте з бісідов,
Най тихо прогварить !
Най тма закрыє бруд,
Што зостав по словах,
Нічоты і кламства,
О слободі ...,
Кому тото треба?
Же крадеш а другый ся сміє?
Же єден богатне, другый у біді сивіє?
Же правда очі коле?
Же душа зостала як пусте поле?
Же мамона правду бреше?
Брат братові на мено не прийде,
Покы го неокреше ?!
Же возьме посліднє із бідного стола,
Чоловіче, позерай !
Як єден із другого собі робиме вола!