На інтернеті прибуде нове радіо. Русиньске

Молоды люди хотять зхосновати можности інтернета і выповнити розрыв у народностнім высыланю радія. На зачатку то буде обчасне высыланя, покы ся приготує сістематічна штруктура проґраму, выліпшыть ся з технічного боку ізабезпечіть ся фунґованя радіа і персонално. До преєкту ся уж теперь запоюють молоды люди, жебы радіо кыпило еланом, свіжостьов і принесло новый вітор і розмаїтость інформацій до народностного высыланя. Штруктура высыланя буде збудована на розговорах із знамыма особностями, молодежныма актівістами, короткым справодайством, але і на гітпараді співанок. Цільом проєкту є ословити штонайвекшу кількость Русинів на Словеньску (оцінка 150 000) і за граніцями – на Україні, в Польску, але так само і в Сербії, Хорватії, Румунії, i в Америці a Канаді. Проєкт, котрого автором є Інж. Петро Штефаняк, ПгД., председа орґанізації молоды.Русины, быв підпореный ґрантом Уряду влады Словеньской републікы. Высыланя зачне 3-го децембра 2012 р. о 17-ій годині двігодиновым блоком репортажів, анкет і інформацій. Радіо буде высылати по-русиньскы а грати буде русиньскы народны, русиньскы модерны співанкы, але і медерну світову музыку. Высыланя ся буде репрізовати в такых часах, жебы го могли слухати і в США і Канаді.
Радіо найдете на вебсайтовых сторінках: http://www.radio.rusyny.org а так само на фейсбуку: http://www.facebook.com/rusyn.fm

Обробив: Петро Медвідь