Warning: Table './petrios/accesslog' is marked as crashed and last (automatic?) repair failed query: SELECT uid, timestamp FROM accesslog WHERE (path = 'node/3704' OR uid > 0) AND sid = '735608c82eabf30b4f699f8e50f49fa0' ORDER BY timestamp DESC LIMIT 0, 1 in /mnt/data/accounts/p/petrios/data/www/holosy/includes/database.mysqli.inc on line 128
Квітна недїля сімболізує зачаток послїднёго - Страстного тыждня посту. | Holosy

Квітна недїля сімболізує зачаток послїднёго - Страстного тыждня посту.

Як Квітна недїля ся называть послїдня недїля перед недїлёв Воскресїня Пана. Про дакотрых ґрекокатоликів є Квітна недїля днеська - 29.3, но про другых ґрекокатоликів і про православных выходжать аж на недїлю наступнёго тыждня - 8.4. Подля того чі утримують ґреґоріаньскый або юліаньскый календарь. Звыкы, котры ся вяжуть ку той части рока суть але у вшыткых Русинів подобны без огляду на віру.

Люде в Єрусалимі радостно вітали Ісуса Хріста палмовыми молодникамі. Єрусалимске молодникы суть в памяти ґенерації ай днесь. На концю святой літурґії (чі лїпше написано на концю утренни) суть посвячованы молодникы стромів, котры собі люде беруть домів як образ Хрістового вітязства над смертёв. У Русинів мають тоты молодникы подобу конаріків багнїток, котрым ся в минулости приписовала маґічна сіла. Почас рока были багнїтка утримованы старостливо і поужывали ся в людовым лічітельстві. Гварить ся, же тоты конарікы докажуть охранити хыжу і его обывателїв од блиску перуна, перед огнём і іншыми погромами.
Квітна недїля єсть тыж зачатком послїднёго тыждня посту. Тот тыждень ся означує як Страстный і хрістіане го беруть як найважнїшый тыждень церьковного рока. Пасхалный цікл трапіня, смерти і Воскресїня Великого тыждня - Зелены четверь, Велика пятніця і Біла субота, мають богатый літурґічный обсяг і сімболіку. Подля представ нашых предків почас Страстного тыждня нечісты сілы укрутне боёвали зо силами добра о свою екзістенцію.
Зелены четверь быв подля людовых повір святом босорок, котры ся знали перемінити на звірята (найчастїше на жабу або мачку), стати ся невидительными, лїтати во вітру, одоберати од чуджіх коров молоко, шкодити сусїдам. Вечур перед Зеленым четвергом ся босоркы сходжали зо шырокой околіцї на тайным місцї глубоко в лїсох на орґіях. Ту ся приїмали і новы кандідаткы меджі босоркы. Ся гварить, же в бардеёвскым окресу была такым пляцом Токайка під горов Бусов ( над селом Ѓаболтов). Почас вечерной службы божой на Зеленый четверь ся подля повір босоркы ставали невидительными і сходжали ся в заолтарной части церькви.
В днях од Зеленого четверга до Великодной недїлї ся несміло дзвонити. Нечісту силу заганяли деревяны рапкачі, котры ся находять на церьковных вежах. Велика пятніця была найвецей смутным днём в року. В тот день ся люде постілы "насухо", стримовали ся нелем їдла, але і воды. При вечерній службі ся конав обряд кладжіня Ісуса Хріста до гробу. На Білу суботу ся позорность концентровала на приправу на наслїдуючій день - Великодну недїлю: печіня паскы, варіня яєць, шовдры, грудкы, малёваня писанок. Біла субота была поважована за щастливый день на саджіня зеленины і сіяня насїня.
(подля інтернетовых жрідел і книгы Růžena Šišková, Mykola Mušinka, Alexandr Mušinka / Ukrajinská nářečí Slovenska : výzkum a zvukové zápisy z let 1957-1967)

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je sereda

24. jul 2019


Юліаньскый календарь:

11.юл 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.