КОЛИ СПРАВНІ СВЯТИТИ РІЗСТВО ХРИСТОВЕ? 25 ДЕЦЕМБРА АБО 7 ЯНУАРЯ?

Про выходне Словенско, головні про ёго северну і выходну части є характеристичнов чертов то, же на так малий теріторії ся хоснуют два каландарі - ґриґоріянскый (ҐК, штатный, новый каландарь) і юлиянскый (ЮК, старый). Головні теперь, перед Різствянными святами часто чуєме - «Мы святкуєме по новому - 25 децембра, бо то праве!» і «Мы ні, мы святкуєме по старому - 7 януаря, тото праве!»
Коли потім «тото праве» святкувати Різство? 25 децембра або 7 януаря? А може то не є єдно?
Пресні повисти, коли ся Исус Христос народил не знаме. Но свята Церьков щі у третім сторочу святкуваня Різства Христового установила на 25 децембер, бы ся свято перекрывало з поганскым святом Коляда а у Рими зо святом народжіння бога сонця.
У 46 році перед Різством Христовым (хоць то тыж неє пресні вырахуване як рік 0) Юлиюс Цезар завіл реформу каландаря, якый составил ґрецкый філозоф і астроном Сосіґенес. Він переробил египетскый каландарь и зробил солнечный каландарь, де рік творило 365,25 днів. Тот каландарь был вельо раз реформуваный, бы ся досягнул ціль, жебы Новый рік (1 януар) выходил на 10 день по зимнім солновраті. Но юлиянскый каландарь не был і не є пресный а каждых 128 років так прибыват єден день на вецей. Різство, яке выходило на час зимного солноврату ся так се приближувало ґу ярі. У католицкых країнох, наряджинём папы римского Григорія XIII был у 1582 роци юлиянскый каландарь заміненый за преснішый ґриґоріянскый каландарь у котрім рік творило 365,2425 днів а так по 4 октобрі 1582 наслідувал 15 октобер 1582. В нашых краёх, якы тогды патрили ґу Угорску ся перешло на ґриґоріянскый каландарь у 1587 роци, коли по 21 октобрі наслідувал 1 новембер, но нашых людей, як выходных християнив ся то тыкало лем як переход на новый штатный каландарь, церківный зістал незміненый. Послидніми европскыми країнами, котры прияли ґриґоріянскый каландарь за штатный были Руско (1918) і Грецко (1923), в котрых мала великый влив православна церьков а до тых часів там хоснували лем юлиянскый каландарь а то у шыткых сферох жывота. Барз добрі то пояснити на по цілым світі знамий Великій Октобровій Соціялистицкій Револуції, котра ся ускуточнила у Руску 25 октобра 1917 року, хоць у остатных країнох уж было 7 новембра 1917. По одділіню православной церкви од штату у 1917 роци был 26 януаря 1918 року принятый «Декрет о заведжиню в Руску западоевропского каландаря», што значило, же по 31 януарю 1918 наслідувал 14 фебруар 1918. Православна и Ґрекокатолицка церьков у Руску (Білоруско, Україна, Молдавско...) не прияли новый каландарь, што одвоводнювали и одвоводнюют вырахуваванём датуму Великодня. А мают правду, вырахуваня Великодня по юлиянскому каландарю є у дакотрых рокох пресніше як по ґриґоріянскому каландарю. За день ярного рівнодня ся поважує 21 марец а подля ґриґоріянского каландаря по дню, коли мисяць досягне сплн по ярнім рівнодню, в найближшу неділю є Великдень (даколи выйде нараз зо жыдивсков Пасхов). А так, подля ґриґоріянского каландаря може быти Великдень уж 23 марца, но подля юлиянского каландаря найскирше 4 априля (ҐК). А як є то можне? Подля юлиянского каландаря ся Великдень рахує способом, приятым у 4 сторочу - Великдень ся не може славити перед ярным рівноднём а головні мусит быти по жыдивский Пасхи, бо Исус воскрес по Пасхи. Но цалком инакше є то з Різством Христовым, котре мат певні становеный датум свячиня у обох каландарёх а то 25 децембер , бо 25 децембер ҐК є 12 децембер ЮК а 7 януаря ҐК є 25 децембер ЮК. Оба каландарі мают сполечный зачаток Нового року, но юлиянскый каландарь у теперишным сторочу Новый рік святит 1 януара хоць ґриґоріянскый каландарь уж мат 14 януар.
Розділ міджі ґриґоріянскым і юлиянскым каландарём ся се звекшує. У 2101 році ся Різство подля юлиянского каландаря не буде святкувало 7 януаря (ҐК) но 8 януаря (ҐК) а наприклад у роци 9997 то выйде аж на 8 марца (ҐК), хоць у церковным юлиянскым каландарю се тот день буде записаный як 25 децембер.
А так вшыткы святиме Різство Христове 25 децембра, лем єдны подля ґриґоріянского а другы подля юлиянского каландаря, но се то є а се лем буде 25 децембер!

Pozri súvisiace články: 

Важеный Аноныме, Самособов же

Важеный Аноныме,
Самособов же Юлиянскый каландарь мат довшу традицію як Ґриґоріянскый, протоже Юлиянскый каландарь фунґує щі з першого стороча перед Христом а Ґригоріянскый є у 16 сторочу переробленый юлиянскый каландарь.
НО ПОХОПТЕ, ШТО СЕ СВЯТИМЕ РІЗСТВО 25 ДЕЦЕМБРА, ци по юлиянскому або ґриґоріянскому каландарю!!!
Тото што вы ту опонуєте пару роками, то лем мы зме щі пару років дозаду (дакотры дотеперь ні) прияли за свий преснішый ґриґоріянскый каландарь. Но се святиме лем 25 децембра.
Непорозумил´м тому, о якых неруснацкых святах бисидуєте. Різство Христове, Великдень, и остатны церковны свята ся святят по цилым швиті, нихто суй неможе повисти же то сут лем ёго народны свята.

Пане Анононыме. Уж довшый час

Пане Анононыме.

Уж довшый час зме тото розоберали у другым форуми. Суй то щі раз там прочитайте!

Будьте добрый, прочитайте суй щі раз і назву чланку «Коли справні святити Різство Христове?....» а потім коментуйте!!! Є там написане РІЗСТВО ХРИСТОВЕ, чланок є о Різстві так прошу Вас, неплетьте ту поганскы свята, вашых домашніх поганскых богів (котрых ани мена незнате), но най ся любит, напиште нам зознам тых «дирек руснацкых свят» кідь іх познате, рады суй их прочитаме.

Што ся тыче руснацкых свят – 99 % руснаків у списуваню людей увело за свою релиґію – християнство (або православны, або ґрекокатоликы). Кідь дашто мате против християнства, є то ваша вец, но неріште суй свої власны комплексы на Руснацкым народі а головне НЕЗОВШЕОБЕЦНЮЙТЕ РУСНАКІВ З ВАШОВ ОСОБОВ А ВАШЫМА ДУРНЫМА НАГЛЯДАМИ. Кідь Вы особні мате своїх богів, є то ваша вец, но вецей раз по форуми непиште, же руснаци мают свою власну віру – вы а 1% може гей, но тото 1 % неє цілый руснацкый нарід.

Обясниня зовшеобецнювання «ty

Обясниня зовшеобецнювання

«ty tu hvarys ze my rusnace nemame zovseobecnuvati... ale to jes ty kotryj zovseobecnujes kid kazes ze rusnace sut xpictiaHe.»
А вы зайс твердите, же руснаци не сут християне, но немате то як доказати. Я на розділ од Вас знам о чим пишу, знам то і підложыти документами а не «у корчми гварили».
В наслидных шорикох є выпис з датабазы Штатистицкого уряду Словацкой Републикы зо щитаня народа у 2001 роци. Беру лем окрес Свидник, бо хочу писати о тім што познам.
Назва села, почет жытелів у селі, почет жытелів з русинскым материнскым языком – ґрекокатоликів, почет жытелів з русинскым материнскым языком – православных
Свидник 12428/1672/1574
Белеївци 18/3/10
Бенядиківци 230/112/1
Бодруджал 59/6/21
Цернина 589/201/7
Цигла 88/65/0
Догунь 69/0/33
Доброслава 41/7/25
Дубова 243/32/108
Фияш 145/22/1
Грабівчик 329/119/22
Гінківци 347/98/10
Юркова Воля 84/53/4
Капишова 381/88/2
Кечківци 230/46/37
Курївци 70/36/0
Крайня Быстра 335/132/10
Крайня Поляна 245/57/10
Крайня Порубка 58/1/47
Крайне Чорне 84/13/57
Крижлёва 558/14/184
Куримка 405/189/4
Ладомерова 838/77/157
Містиско 492/6/2
Мероля 85/16/35
Млинарівци 228/64/1
Нижня Ядлова 80/4/51
Нижня Писана 98/16/18
Нижній Комарник 165/48/4
Нижній Мерошів 249/35/89
Нижній Верлих 260/67/91
Новя Полянка (Мерґешка) 62/3/37
Округле 651/7/4
Пстрина 70/2/43
Радома 451/11/1
Раківчик 171/65/0
Рівне 511/257/19
Розтокы 294/5/102
Собош 129/7/42
Сорочин 476/7/3
Свидничка 134/84/6
Шаришскый Щавник 292/112/1
Шеметківци 99/35/2
Ваґринец 134/37/45
Вальківци 237/32/1
Вапеник 52/18/31
Вышня Ядлова 173/8/104
Вышня Писана 80/45/17
Вышній Комарник 85/37/1
Вышній Мерошів 604/6/345
Вышній Верлих 385/66/100

Примітка: села Містиско, Сорочин, Округле а Радома сут словенскы а римокатолицкы села. О словакізації тых сел не може быти ани змінка (то пишу про Вас пане Анониме Р.И.П.) бо першы писомны змінкы о тых селох сут щі сперед 13-14 стороча.

«kazdyj rusnak kotryj isi neje zbrejnvosinguvanyj ( jak ty jes) sja raz v zyvoti zadumat, a kid dumat tak vydumat ze vin je rusnak a neje xpictiah.»
Агаааааааа, та то так є, то вы як спавный не збрейнвосинґуваный руснак сте ся задумали а выдумали тоты незмыслы...
НАЙ СЯ ВАМ ЛЮБИТ, Я ЄМ ПІДЛОЖЫЛ ЧОМ ГВАРЮ ЖЕ РУСНАЦИ СУТ ХРИСТИЯНСКЫЙ НАРІД, ТЕПЕРЬ Є ШОР НА ВАС, ДОКАЖТЕ ВАШУ ДЕМАҐОҐІЮ ЖЕ РУСНАЦИ СУТ ПОГАНСКЫЙ НАРІД ЯКЫЙ НЕВИРИТ В ХРИСТЯНСКОГО БОГА.
(Ваш арґумент же вы знате а неповисте, непідложыте у мене необстоїт. Вы сам, або щі пару пиварів неє руснацкый нарід – ёго векшына. А тыж Вас прошу, НЕПИШТЕ, же руснаци котры суй признают народнисть руснацку або руснацкых язык за материнскый несут руснаци!!!)

Петро's picture

Nechocu zeby Mato sja

Nechocu zeby Mato sja perestal angazovaty na Holosoch koli utokom dakoho chto sja neznat ani podpisaty...Matovi jem pisal uz skorej na e-mail ze dakuju za joho kvalitny prispevky a viruju ze napise isi dalse a naj ignoruje anonyma pod anglickou IP adresou...teraz by jem to rad zopakoval...
Moja diskusia s Anonymom pod anglickom IP adresou skoncila po prispevku, de sja vyjadril k obsahu Holosoch:"... pan Petro mat nakazy zos statnoj bezpecnosti, a vin toty nakazy musyt dotrymuvati..."
To na zabilo Dance

Петре, дякую за подпору а

Петре, дякую за подпору а хочу тя убезпечити, же про єдного аноныма з чужины не перестану ходити а приспивати на голосы.
Ми написал до дискусії Русини вс Українци таку «мудру» думку:
Ne, 03/01/2010 - 00:52 poslal Anonym.
UPOKOJ SIJA, ja barz dobri znam o cim melu, lem tobi to neide do planu naplanuvanoho ustrednym vyborom.
Што наробиме, чоловик якбач жыє у чужыні, у своїм власным світі, ани незнат як ту жывит иде, же доба українизації уж скинчила ся а ай устредны выборы заникли.

Устредны Выборы заникли,

Устредны Выборы заникли, дакотры были претрансформуваны на инакшы штатны инштитуциї , но каждый розумный чоловик, котрый то мат у голові у порядку, суй усвідомит, же 30-річный чоловік неможе быти бывшым аґентом ШТБ ани ниякых инакшых бывшых Устредных Выборив.

Петро's picture

ta dobry priznavam

ta dobry priznavam sa...odhalili ste na Crying - jem agentom statnoj bezpecnosti a mam prikaz cez Holosy zmapovaty poslednych zapecenych Rusnakoch jak ste vy a zrobyty z nich abo ukrajincoch abo slovakoch ...sleduju sto pisete a kazdyj tyzden posylam spravu na ustrede oni toto analyzujut...byti vami daval by jem si pozir sto pisete z jakoho pocitaca kazde slovo je zaznamenane a skorej abo neskorej toto vyuzijeme... Party

Петро's picture

Jem rad, ze jem Vas tak

Jem rad, ze jem Vas tak pobavil ale az tak by jem sja nesmijal, bo toto ne sranda - z mene zrobili dobroho agenta a tak ze ani sam o tim neznam, sam uznate ze VV sut rjadny betare a znajut ludi zpracovaty..
ta pozir!!! Angry
chapadla VV sut dovhy ...culi ste jak dopal Alexandr Litvinenko, tiz si dumal ze jak vtece do Londyna ta moze vyskakovaty...a VV uz znat ze vy ste ten poslednyj mohykan kotryj znat jak to z rusnakami bylo, je a bude a takoho oni najdut i v Mandzusku bo je pro nich bars nebezpecnej a postarajut sa zeby z vas dajak zrobili agenta (uvedomenoho abo neuvedomoho) ...trimu palci vo vasim tazkym boju..... s kalamitou v Londyni Wink

Петро's picture

z Borsy u Trebisova? ja dumal

z Borsy u Trebisova? ja dumal ze tam Madare zijut...abo moze pomadarceni Rusini ?...ole povicte, uz ste im osvetlil ze oni tiz Rusnaci len o tim neznajut? sto vam na toto povili Borsane? Ja jem skusil toto povisty jednomu z Lastomira a joho pohlad Angry a otazka Jaky Rusnaci? sja podobala preflaknutomu zacatku bitky na zabavy v Belovezi Smile

Аноныме, суй дайте щі холем

Аноныме, суй дайте щі холем 10 смайликив, але тых што суй по голови пальчиком дуркают.
Но холем сте потвердили то, што єм уж скирше писал - мате проблемы з читанём а порозуминём прочитаного. Я´м ся ґу теми руснаци а Требишів вобще не выядрувал, то сте суй писали з ужывателём пид меном КОРИ.
А ґу Ластомирчаним ся тыж небуду барз выядрувал, протоже жыю у инакшым реґіёні а незнам тамошні подмінкы як то там было. Но єдно суй неодпущу пане Анониме - тота «ґрекокатолизация» подля Вас запричинила, же з Ластомирчанив ся стали Словакы, што подля Вас значит же за то же у Ластомири сут Словакы може лем «Ґрекокатолицка церьков». Но у Ластомири жыют ай люде, котры ся голосят ґу римокатолицкий церкви, реформуваній церкви, лютеране, калвине, салвише, но і люде голосячи ся ґу православній церкви (350 вирників). А келё з тых 350 православных вирників Вам о соби повист же сут Руснаци? Народнисть русинску суй там пишут 2 люде а 1 мат народнисть українску. Так будьте такый ласкавый а суй двараз роздумайте што напишете.

Та то мате так з нами

Та то мате так з нами Русинами
sto sja tykat toho chto si jaku narodnist pyse, TAK TO JE BEZPREDMETNE.
Оно то потім так и вызерат, твердите же там жыют Руснаци но нихто ся ґу тому народу там непригласит, а зайс наопак, мы суй пишеме Русинску народнисть, но подля Вас незме Русинами, бо вириме в Бога а зме ґрекокатоликы. А тоты Вашы блуды подля Вас не сут демаґоґиёв? Бо як ні та потім то уж буде лем ваша душевна поруха як то сам пишете.
Кибы люде, котры сут Русине а айджи ся чуют быти Русинами суй тоту народнисть написали, потім бы и у Братислави узнали, келё Русинив ту жыє а так Вашым приступом же є то безпредметне, по считаню люди выйде, же на Словенску дескай там коло Свидника и Лабирце жыє пару русначикив...
А так то є и з Вами, милый, добрый, мудрый, приємный Анониме, Вы ту каждому твердите якый сте правый руснак, же мы остатні руснаками не зме, но правда така, же айджи Вы сам ся рахуєте миджи Словакив. А то уж подля Вас неє демокрация, написати суй народнисть таку яку цитите?
«jak bys pisol do TV rajona, tak tam si nejeden rusnak pyse narodnist slovynsku, i sja tvaryt ze je slovak.»
Самособов же суй пише народнисть словенску (не словинску!!!) кідь ся цитит быти словаком. Але шак то робите и Вы. Кибы ся цитил быти Русином, так бы суй написал русинску народнисть.

Я єм клюдный, о мене ся бояти

Я єм клюдный, о мене ся бояти немусите. Алі холем дашто Вам якбач дали тоты www.holosy.sk - сте ся навчили нове слово ДЕМАҐОҐИЯ, котре обогатило Ваш и так бидный словнык.

На руснакох, де щі жыют руснаци ся гварит:
Ческословеньско = Československo
Словинско = Slovinsko (мы у тым слови хоснуєме тото И)
а Словеньско є се лем Словеньско

Пане Аноныме, «demagogija je

Пане Аноныме, «demagogija je slovo kotre rusnaci znavut uz od roku 990, a kazdy rusnak toto slovo znat.» кидь так ся велё обишидуєте з руснаками, ойте идьте по дирек руснацкых селох а ся спросте шор за шором люди на тото слово. Вам ручу за то, же 99 % з них тому слову непорозумит а тоты што му порозумят Вам повидят, же ся им то вяже на рокы 1948-1989.
«ja sja hlupostami nezaoberam, a kid cas pryjde, tak lem z ludmi jak mato, kotry vylo veci neznavut i sja musjat vylo uciti, ale sja ucat i roblat progres. ty tot progres nezrobys. nygda i nykoli.»
Та дякую красні за Вашу обетависть, но о такый «проґрес» як сте зробили Вы ани немам заєм. Кидь Вам дахто повист правду, же пишете незмыслы а лем ся бавите на мудрого, дакуй го означуєте за демаґоґа а чоловика котрый николи нич незнал а николи нич небуде знал. Оно Вам ся видит, же ся глупостями не заоберате, бо Вы глупости рахуєте за свої ведомости.
«my rusnaci furt hovoryli SLOVINSKO ta SLOVYNSKO.
А мы руснаци, котры зме и теперь руснаками зме се гварили а одлишували Словинско а Словенско. А лем про вашу информацию латинизувана форма слова Словенско (по Вашому Словинско) є SLOVACUS.

Но ойте доказуйте тоты

Но ойте доказуйте тоты доказы, бо велё доказів обицяте, но ани єден нормалный предложыти не знате:
«- slovo DEMAGOGIJA znavut rusnaci. ja sto znam rusnakiv tak kazdyj rozumyt
znacina toho slova.»
Най ся любит, выберьте ся до селох по околици Лабирце, Свидника, Бардова, Любовні, Снины а зробте суй анкету, а потім телебте. Дам руку до огня за то, же каждый руснак тому слову не порозумит. Руснаци не сте лем Вы и ваш «колеґа», но Руснаци сут шыткы люде голосячи ся ґу Русинскому народу а то од малых діти по найстаршых люди.
Тот Ваш першый доказ мат нулову годноту.
«- tote so si pamjatavut sto-to spojijut roky 1948-89 zo zminov od nedobroho
ku dobromu, a ne zos demagogijov.»
Неє похыб, же нона эра принесла Русиним велё липшого яке до тодыль зазнали, головні роботу, но и велё русиним взяла (головні по културні а народностні сторинци). Но кидь мы ту розобераме русинску народностну отазку подля Вас то была змина ґу доброму?
нашым людём была сперана слобода вироисповиданя
люде были денноденні українизуваны, се им твердили, же они не сут ниякы Русине а сут українци
в нашых народных школох была наша «руска речь» заминяня українсков, пизніше словеньсков
на наший северній страні Карпатох были нашы люде за русинску народнисть насилу выстягуваны зо своюй рідной землі а переважаны на німецкы граници а то было великов выстрагов и про нашых люди, жебы ся в тых часох неголосили ґу своёму народу

Ищи мам отазку – тото мал быти Ваш доказ? Но невызерат то так.

«- ty nehovorys pravdu, ale lem tvij nazor. mal jes i mas moznost dokazati, ale
dokazy tu nedavas. ja hovoru mij nazor, ale znam to pidlozyty i faktami.»
Зато Вы гварите се лем Вашу «правду». Тот хто ниякы доказы незнат дати сте се лем Вы пане Аноныме. Дали сте даколи ту на тым форуми даякый плногоднотный доказ? Ани єден!
Писали сте же давате доказы, та де сут? Де сут тоты факты? То за доказ мам рахувати, же ми напишете же негварю правду? Та то великый доказ...
«- to slovaci vymovlajut dvi formy tak: Slovensko je Slovensko a Slovinsko je
Slovinsko. rusnakiv sto znam tak kazdyj vymovlaje Slovynsko ( Slovensko po slovynsky),
a Slovinsko jak Slovinsko.»
Ваш проблем є тен, же сам добрі не знате по Руснацкы а познате лем пару руснаків котры «vymovľajut», котры ся так як и Вы ани ґу руснаком не голосят.
Кибы сте знали и такых руснакив, котры сут руснаками, та бы Вам каждый з них повил же Словеньско а Словинско не сут лем два одлишны штаты, но и два вызнамово одлишны слова.
А што ся тыкат их написаня, так як то хоснуют руснаци:
Slovensko – Словеньско
Slovinsko – Словинско
А Ваше ся перепише так:
Slovynsko – Словынско
так само и Ваше слово Cyrkov – цырков
А хоць руснаци мают шелиякы говоры, но ниґде ся негварит слово ЦЫРКОВ а шадыль церков, церьков (хоць даде ся на Е дават меншый тиск). Так якбач гварите лем Вы и Ваш «колеґа».
«znam ze ta to palyt, ale nedast sja nyc robyti kus jes v zadnich vagonoch.»
Єм у заднім ваґоні но влак акурат иде смером до спаку Smile

Дорогый Аноныме, в першым

Дорогый Аноныме, в першым ряді я ту денноденні Вам предкладам факты, но зато неможу же вы их незнате у соби спрацувати а порозумити им а лем се сте того назору, же Вашы блуды сут справны а заводите нима люди. Каждым Вашым приспевком заводите, но каждый розумный чоловик, кидь суй прочитат Вашы приспевкы, зистит о што вам иде – заводити, заводити, заводити...
Я нехочу никого демаґоґизувати, ани никого заводити, я лем пишу так як то є.
«kazdoho rusnaka sto ja znam, tak rozumyt slovu Demagogija»
Лем соби непризнате, же тух руснаків знате барз мало а сам во Вашых выядринёх руснакив котры ся і верейні голосят ґу руснаким за руснакив не рахуєте...
«roky 1948-89 dali jednu vec: ckoluvana. nemalo rusnakiv byli negramotny, bo cyrkov sja nykda nezastala zakonu ze kazda dityna mat chodyti do ckoly. totalita toto zavela, a v tim mat na rozdil od cerkvi perevahu.»
А ту зайс заводите пане Аноныме. Повинна школска дохадзка (6 річна) была заведжена в Угорьску у 1868 роци, но на Словенскых а Русинскых землёх аж до року 1918 была в розміри 3-4 рокы в зимных мисяцёх. У 1922 роци была заведжена 8-річна повинна школска дохадзка, котра наплно была зреализувана на кинцю Першой Ческословеньской Републикы. А 9 авґуста 1948 была у Ческословенску заведжена 9-річна повинна дохадзка а не як Вы заводите же у тых рокох была заведжена щі лем повинна школска дохадзка. До року 1948 окрім свитскых школох были и школы церковны, до котрых ходили шыткы діти, без розділу, но на розділ од тоталитного школства в церкивных школох ся руснацкы діти вчили по «руськы» (руснацкы), причим у тоталитным школстви ся вчили то по українскы або по словеньскы. А в розвою языка и културы мали церкивны школы овелё векшый принос про Руснаків як тоталитне школство котре ся старало о заник руснацкого языка.
«sto sja tykat skil, tak do 1945 roku skoly nasy narodny NEEKSISTUVALI- tu sja tvoja demagogija projavluje naostro- byli lem ckoly cerkovny, abo malo statnych.»
Зайс заводите блудами о демаґоґиї. Є правда, же до тых часив экзистували церкивны людовы школы (переважні по малых селох), но экзистували и штатны основны и середні школы. У 1932 роци была у Свиднику отворена Штатна миштянска школа. У Лабирци уж в 20-30 рокох ного стороча экзистувала Людова и миштянска школа. Экзистували штатны школы як – Руска педаґоґицка ґимназия у Пряшови (1891-1950), Штатна руска ґимназия у Пряшови (1936-1959)...
«- sto sja tykat nasoj ruskoj reci, tak kotru dumas? bo ich bylo i isi je vylo.»
Понятя «руска речь» у перший половині 20 стороча значило русинска а же из было велё, на каждым селі ся у школі вчило по такому як ся в тым селі бишидувало, но были там и првкы руского а українского языка котры суй приніс учитель.
«faktom i dokazom zaroven je existencija zakona o povynij skolskij dochadzki, sto cyrkov v dnesni dobi sja snazyt zredukuvati na povynu skolsku dochacku lem do zakladnych skil i to cyrkovnych. -n toto je dalsyj fakt i dokaz zaroven.»
Тото што пишете є далшый Ваш блуд, церьков окрим основных мат и середні школы а мат и свою универзиту або одділньы церкви мают свої катедры на универзитох.
« ja sja narodyv v jednim malim mistecku na zapadnim Rusnacku, a toto mi napysali do Rodnoho lysta, sto mi ani tvoji bludy, mato, nevozmut.»
То же сте ся народили у руснацкым мисті щі не значит, же сте Руснаком. Мотьте я´м ся народил у руснацкым мисті, жыю у руснацкым селі, бишидую по руснацкы а Вы ми се твердите же я неєм руснак.
«- sto sja tykat pravopysu, tak tu je dalsyj fakt jako dokaz, ze sja mylis, a kazdyj chtomat cas si to moze procitati zos tvojich prispevkiv.»
Ґу Вашому правопису єм ся уж выядрил. Кидь Вы сте руснак а сте хоснователём русинского языка, потім я а якбач и 99,9% навштівників той странкы незнаме по Вашому – тота Ваша вета «ja na rozdil od tebe sebe nedumam, ze rusnaci kotrych predkove robyli ch Kanadi, Hameryci, byli i dakotry v Beljiji v banoch, paru u Franciju. ja nepodcinuju rusnakiv.» як и вашы приспевкы недавают ниякый змысел. Братя Чехы тому гварят: «Co tím chtěl básník říci?»
«ty jes sam napysal, ze jak by zme sja mali dohovoryti zos rusnakami zos 15. ci dakoho storoca to by sme im asi nerozumyli.»
Самособов же бы зме мали проблемы з порозумлинём ся, так як бы мали проблем и прислушникы другых языковых скупин зо своїма предками. За тоту добу перешло шисть сторочох а язык ся каждым роком, каждов ґенерациёв розвият. Велё слов а словный выядрувань, котры ся хоснували у 15 сторочу ся стало архаизмами, гисторизмами, наша бишида ся обогатила о велё новых слов, велё слов зме перебрали з другых языкив.
«ale ja znam, ze napryklad slovo cyrkov sja pouzyvalo mizi nasyma rusnakami, davno davno tomu;napryklad CYRKOV je CYRKOV. CERKVA-sto sja zhoduje zos slovom pouzyvanym v ukrajincini akurat tam pouzyvavut naholos na druhim,je tyz znama alternativa v jazyku rusnakiv, po slovynsky sja kaze kostol.»
Слово ЦИРКОВ ся миджи руснаками хоснувало давно и ся щі мисцями хоснує а в перекладі до словенчины мат вызнам «CIRKUSOVÝ».
А руснацке слово ЦЕРЬКОВ (у вызнами инштитуция – православна, католицка, ґрекокатолицка) ся до словенчины перекладат мий любый як CIRKEV.
Руснацке слово ЦЕРЬКОВ (у вызнами будова) мат у словенчині эквивалент CERKOV, CERKEV, CHRÁM (православна або ґрекокатолицка).
Словеньске слово KOSTOL мат у русначині эквивалент КОСТІЛ, КОСТЕЛ (римокатолицкый).
«ty po rusnacky neznas zakladny slova: Slovensko = Slovynsko ( po rusnacky). Slovinsko = Slovinsko ( po rusnacky).»
Вы так знате по руснацкы як пацятко по латинскы. СЛОВЫНСКО є подля Вас по руснацкы Словенско – та хыбаль у Вас у вашым селі де мадяре зо словаками жыют.
«sto sja tykat tzv. nabozenskoj slobody tak tota byla zarucena ustavov CSR i CSSR.
sloboda relihijna byla zarucena»
Та то Вам повим, то велика релиґийна слобода была. Же нашы руснаци немали право служыти у своїм ґрекокатолицкым обряді (рокы 1950-1968). Велё люди, котры ся верейні голосили ґу ґрекокатолицкий церкви были запераны до басы, робили у банёх, были перестягуваваны, велё их у арешті померло за свою виру.
Нашы бабы ся зо села выбрали на одпуст на Букову Гирку, самособов же их там аґенте позаписували а тоты котры были на другый мисяць недистали у роботі в лиси премиї.
«sto sja tykat tzv ukrajinizaciji, tak jakby to byla pravda, tak by byli tu masy ukrajinciv, a nesut. to znamenat, ze nykoho chto nechotil, neukrajinizuvali a uz ne na sylu.»
Великым доказом українизациї є “Музей українской культури у Свиднику” – яка то українска култура? Чому потім там не сут єкспонаты українской културы? Пидете посмотрити а читате – Церьков з Мерґешкы, хыжа з Кожуховец, хыжа з Чорного... пидете до музеуму – українскый народный костюм – а на фиґурині наш крой...
Папирёво може была заручувана, но нихто за ню не ручил а ту зайс заводите пане Аноныме.

А на конец Ваша найвекша путаниця, котров ту хочете вшыткых заводити а обгаїти вашы щі се идеолоґицкы нагляды:
«sto sja tykat vystahuvana nasych ludi: COM NEPOVIS ZE SJA IDNALO O AKCIJU WISLA polskoj vlady? znam historicky fakty takze to mozu dokazati, lem jeden dokaz, ze ty pyses demagogiju, je fakt ze nes nenapysal sto to byla AKCJA WISLA polskoj vlady.»
То же акцию WISLA вела польска влада сте написали, но ненаписали сте же ишло о социалистицку владу. Акцию WISLA выконавали прислушникы воєнскых сил Rzeczpospolitej Polskiej, котра уж в тым часи была социалистицкым штатом а акция WISLA ся реализуала од 1947 до 1950 року а то на основи наряджиня Комунистицкой страны...
Лем про зопакуваня а высвитлиня того што я єм написал – бо явно мате проблемы з читанём а порозуминём по руснацкы. У четверь 14 януаря о 18:34 сте написали «- tote so si pamjatavut sto-to spojijut roky 1948-89 zo zminov od nedobroho ku dobromu, a ne zos demagogijov.» а я єм Вам 14 януаря о 21:00 одповил: «на наший северній страні Карпатох были нашы люде за русинску народнисть насилу выстягуваны зо своюй рідной землі а переважаны на німецкы граници а то было великов выстрагов и про нашых люди, жебы ся в тых часох неголосили ґу своёму народу» а тото было подля Вас, причининём социалистицкого режиму зминов од недоброго ґу доброму?
«a tam to bylo jasni zamirane proti tym rusynom sto prosadzuvali ukrajinskyj naprjam, sto bylo jasna vec narodni orientuvanyj zamir nasych ludi.»
Мате то у тій веци рядні помылене пане Аноныме. Тоты што пресаджували українскый язык а українску народнисть были перевезены на Україну. Тоты, котры ся голосили за руснакив были перевезены на западны землі ґу німецкым границём. То значит же акция Висла была намирена против шыткых Руснакив якы жыли на Лемковщині.
«jak z hori uvedenoho vynykat, nemas ponata o zakladnych historickych faktoch z rokiv 1946-47. takze sja ani necudujeme ze mas to absolutni pomylene aj v rokoch 990.»
Та я може немам понятя о дакотрых фактох, но Вы милый пане Анониме явно немате понятя о чим пишете, лем пишете пусты слова до витру.
А теперь по Вашому як Вы «вымовляєте» бы сте порозумили: «Ваша циль є русинів підкусувати, а я завжди їх буду оберігати!»

Руснацка пословица: «Не идь

Руснацка пословица: «Не идь до бою, кидь не маш зброю!»
Пане аноныме, Я вам ту факты предкладам од першого приспевку, лем Вы незнате порозумити же то так є, а се за правду рахуєте свої выдумкы. Мої шыткы приспевкы знам и пидложыти одборнов литературов, Вы того несте схопный.
«Ja, na rozdil od tebe, mam ale vyhodu, ze tu prezentuju dasto, sto ty nereprezentujes. ty pyses lem tak, jak by jes chotiv zeby to bylo.»
Кидь суй прочитате по соби што сте написали, то значит же и я (так як и Вы) мам «выгоду», бо и я (так як Вы) презентую дашто, што Вы непрезентуєте...
«ja pysu tak, jak znam ze mat byti. po Rusnacky.»
Є интересне же лем Вы сам ту пишете по руснацкы а мы шыткы остатні по якому? По монґолскы? Ся задумайте над собом...
«sto sja tykat skolskoj dochadzky tak bisidujme o regularni - 10 misjaciv v roci, a ne obcasni.»
А то суй дозайправды думате же у мищанци небыл 10 мисячный школскый рік? По селох а селскых школох то было на каждым селі подля можности но неможете зовшеобецнювати ситуацию на так великий териториї...
«sto tja tykat jazyka tak je otazne sto ty si pid pojmom ruskyj jazyk predstavujes - hutorackyj , pujdackyj, zemplinskyj?...je ich nemalo.»
Пид поймом «руска речь» у перший половині 20 стороча думам тото, што то и значило – выучувацый язык Русинив, якым ся вчило по русинскых людовых школох (у каждым селі мала руска речь инакшы првкы)...
Ваш проблем з порозуминём ситуациї у школуваню до 1948 року є тот, же зайс шытко зовшеобецнюєте а суй думате, же кидь в даяким селі на кинцю швита не была школа, або была лем раз до тыжня, же то было так по цилий руснаками обываній териториї...
«sto sja tykat toj vety kotra tobi nedavat zmysel, tak opakuju isi raz, ze ja rusnakiv, a tych sto po nych sut nepodcinuju. moze sja vdaka i tvojij demagogiji kus vo vyvyni zretarduvali, ale nyc to, pidut doperedu»
Суй прочитайте вету за собом а подумайте, ци уж тото што сте написали неє подцинюваня Руснацкого народу. Но Вы то и так непохопите, бо Вы нич инше незнате, лем критизувати, спричати ся, перекручати правду на блуды а пидцинювати русинив, котры ся на розділ од Вас ґу прислушности до Русинского народу и верейні голосят а то є спосиб Вашого выядруваня...
«sto tym chotiv basnyk povisti je kazdomu rusnakovi jasne. ty rusnakom, nejes ta ti to jasne nebude.»
А то є далша черта Вашого выядруваня ся... Чоловик, котрый ся верейні пригласит ґу русинскому языку як материнский речи, русинский народности, выходній християнский церкви – подля Вас неє руснаком, лем Вы сам сте руснаком, хоць суй ани народнисть русинску ненапишете... Про мене за мене суй о ми думайте же єм и монґол, я знам хто єм, скадыль єм а ґу кому патрю...
«v rusnackim seli sja rodyli lem rusnacky diti. ale tu ti chybat kusickaj historiji, ne kosyckoj, zebys znal vecej.»
В руснацкым селі ся родили лем руснацкы діти, но я ся родил у руснацкым селі, цилый жывит єм ту пережыл а по вашому неєм руснаком... Сам соби брыдите до ґамбы, но аж так брыдите же дайте суй позир бы сте ся тым не задрґли...
«problemy mas ty, bo sebe dumas ze rusnakiv mozes demagogijov obduryti lem zato bo trosecky sja snazys»
Шак Вас пане аноныме ани нияков инакшов демаґоґиёв бы нихто недоказал обдурити, бо Вы уж сте так сам обдуреный своёв демаґоґиёв же уж Вам жаль якбач ніт помочи...
«Polska vlada jaka realizuvala akciju WISLA byla katolicky, zamirjana na nasych ludi, kotry nechotili mati zos katolycyzmom nycoho spilnoho.»
Тота «католицка влада», котра завела акцию Висла ся называла Polska Partia Robotnicza (комунистицка страна).
«jak by jes znal historiju, tak by jes taky hluposti nepysla. ja ze historiju znam, jak to bylo v tamtych rokoch, a znam ju zato bo jem mam o paru rokiv vecej jak ty, tak mozu nasym rusnakim dokazati, ze ty lem demagogijov tu sja snazys ludi obduryti.»
То же дахто мат кущок вецей років щі незначит, же мат вецей и розуму. Теперь ся одкрывают архивы, доплнюют ся историчны факты, а як гварите же мате вецей рочків як я, то значит же кидь сте школуваный, та якбач сте переважні школуваный идеолоґизмом...
«akcija WISLA byla namirjana protiv rusnakiv-lemkiv, kotry chotili sja zjednotyti na principi ukrajinskim, a kotry sja zjednocuvali. historicky fakty, ku kotrym ty nemas dostup, sut neuprosny.»
Кидь я за то неможу, же шыткы факты знате лем Вы а нихто другый... Лем такый малый дотаз – акция Висла была замиряна против Українцив, Бойків, Лемкив а Долинянив а была замиряна на розбитя гнізд Українской повсталецкой армиї а Орґанизациї українскых националистів...
a rusnakiv od rozvoja ku lipsomu ani ty zos tvojov nedokonalov propagandov nezastavys
Лем про Вашу информацию, єм хоснователём а приспивателём на сторинци www.holosy.sk, снажу ся писати о нашых звыкох а традициёх.
В жадным припаді суй ту не иду а не хочу робити нияку пропаґанду, пишу а буду писал о тім што ня интересує а Вашы приспевкы ня од того в жаднім припаді не одрадят... Вы лем критизуєте (на што мате право), но я на розділ од Вас и дашто роблю...

Вам, Василю од пива, або пане Анониме, явно иде о зничиня сторинкы www.holosy.sk, Петрови як админови пишете, же ся немат як админ выядрувати ґу приспевком... Мене уж обертате з каждой странкы, же суй ту робю пропаґанду, демаґоґию... Любови зайс неодпоручате написати чланок...
Но не радуйте ся чужий биді, бо Ваша за плечима! Як ся гварит, же реакция выволават акцию, так каждый Ваш покус о зничиня, мы приймеме як импулз на пильнишу роботу...

Як гварите – учити ся, учити

Як гварите – учити ся, учити ся, учити ся...
Кибы сте ся и вы у школох вчили и школували, и вы бы одповіді на опросы знали а кідь бы сте их не знали, та бы сте суй о тім дашто наштудували а не блуды до повитря пущали.
А тото Ваше по хлопскы суй знам представити – десять смайликив што з пивом черкают...

Ся пробудьте з тых снів! «to

Ся пробудьте з тых снів!
«to ze rusnaci chrystyjane NEBYLI DOKAZUJE AJ FAKT TZV XRYSTYNIZACIJI OKOLO ROKU 980. to znacit, ze do toho roku xrystyjanami NEBYLI»
А то суй так добрі памятате тот рік 980? (инаше справный рік крещіня Руси є 988).
У тых часох о Руснакох щі ани знаня не было, руснаци ся выділили з староруского народу якый в тых часох обывал Києвску Русь и выходны склоны Карпатох.
Кідь пишеме о Руснакох, якы жыют ту на наший території, тоты ту пришли уж як Християне.
«dokazy sut, a netreba nyc dokazuvati ( mi, bo dokaziv je nemalo)»
Напиште нам тоты здрої ґу тым доказом, кідь их є так велё, но за доказ немож рахувати Вашы выплоды фантазиї або тверджиня типу Ганя спід плота гварила або Мижё споза якру у корчми лябдал.

Милый, добрый, мудрый,

Милый, добрый, мудрый, приємный Аноныме!
Кідь будеме наслідувати рік принятя християнства на Руси, в тогдашных часох по векшыні швита платил юлиянскый каландарь. Про тот каландарь є призначне, же на розділ од ґриґоріянского каландаря в нім каждых 128 років прибуде єден день (з доводу инакшых правил переступных років у ҐК а ЮК). Кідь то перерахуєме, за тотых 10 сторочох ся посунуло такых 8 днів а тыъ 8 днів не може робити дакелё років. То значит, же як сут писомны памяткы о приятю Християнства на Руси у 988-989 рокох, то значит, же то было у тых рокох.
«v tych casoch BYLO chyruvati o rusnakoch»
В тых часох на Руси жыли шелиякы народы, но руснаци походжают од славянів а в тых часох милый, добрый, мудрый, приємный Аноныме то щи были лем стары славяне (у дакотрых здроёх ся за предків руснаків поважуют Билы Хорваты) а ниякы сучасны народы як сут Руси, Українци, Білоруси, Русине, небыло тодыль знати ни о сучасных Словакох, Полякох, Чехох...
Вам бы тыж незашкодило ся даколи выманити з Вашых блудных наглядів а даколи суй и дашто наштудувати. Учены люде, а небыло и не є их мало, о велё вецей знали як невчены русначикове, котры суй свою историю лем передавали з поколиня на поколиня во формі приповидок, а якбач и вы сте их перебрали, тоты приповидкы.

Милый, добрый, мудрый,

Милый, добрый, мудрый, приємный Аноныме.
«je zajimave jak povis ze na starij Rusi zylo vylo narodiv, ale rusnakiv tam nebylo...»
Само собов, же теперишні Руснаци, котры ся вытворили як нарід з выходных славянив, мают своїх предків миджи старыма народами якы жыли и на Киевский Руси, но нияк раз не можете потвердити, же там жыли Руснаци, бо то є блуд.
На Руси у тогдашніх часох жыли дви великы групы люди а то рускы славяне а другы неславянскы народы, котры ся называют сполочным назвом Варяґы (предкы побалтскых народів). Рускы славяне ся ділили на 7 племен: поляне, древляне, кривичи, северяне, радимичи, вятичи, ильменскы словене. Миджи тыма племенами сут предкы теперишніх Русив, Українцив, Русинив, Білорусив...
«My, chlopi kolo pyva sebe dumame, ze kid rusnace sja zachovali do casoch dnysejcych, to musyli byti i tolkaj uz tam.»
Знате, коло пива ся того набисидує даколи аж барз велё а велё раз сут то лем блудны слова до вітру. Язык а култура ся се вывият, думате же кибы ту пришли теперь нашы прапрапрадідове, што жыли у 18 сторочу, же бы нам розумили по руснацкы або мы им? Бы зме ся ани збисидувати негодни были.
Даколи небыла така миґрация люди як є у днешных часох, дакотры люде у дакотрых реґиёнох за цилый живит неопустили ани на день своє рідне село. А так суй заховали свий язык.
Зайс у другых реґиёнох жыли люде раз під владов Мадярів, потім зайс Русів, затым Поляків, там на ся язык и култура наберали чужы првкы а так по пару рокох-сторочох ся цалком одлишували од першой ґрупы. А притім мали сполечных предків но уж то были два языково и културні одлишны народы.
«Toto zos kalendarom jes nemusyl vytahuvati. sut i dolezitisy a vyznamnisy udalosti. a na zal istorija nam dokazuje ze 988 ci 989 rik a moze 985 rik je vylykov tragedijov rusyniv i ciloj Rusi.»
То лем про Вас особні то є траґедия, про остатных люди было принятя християнства на Руси великым приносом. В першым ряді то принесло на Русь грамоту (писаня, читаня), великым приносом было надвязаня обходных споїнь миджи Русьёв а Византиёв, взникнул велитый торговый путь – із Варяґів (побалтика) до Ґрецка, як єден з першых европскых народів уж у тых часох мали демократицке зряджиня штату а свий власный парламент. Крім того выришыл ся проблем з різныма поганскыма богами, про котрых часто миджи тогдашніма народами взникали споры а так обмедзили ся поганскы ритуалы (кровавы жертвы богом) а тым ся обєдинил нарід, прото Києвска Русь была такым успешным а богатым тогдашнім штатом.
«Jedno sto jes uz konycni pryznal ( ale tyz by jes nepryznal jak by sme My chlopi od pyva ta do toho nedotlacili) je ze tzv slov-aky pol-aky neeksistuvali.»
Суй прочитайте што сте написали о пару шорикив выше а ся задумайте над собом: «My, chlopi kolo pyva sebe dumame, ze kid rusnace sja zachovali do casoch dnysejcych, to musyli byti i tolkaj uz tam» а чом кідь ся Словаци а Полякы заховали до гнесь, чом они тогды не жыли, лем руснаци? В тых часох небыло ни теперишніх руснаків, словаків, поляків, українцив... В тых часох тотиж жыли лем предкове теперишных народів а то руссы (русь, рускы славяне), стары чехы, полякы, себры, мораване (правдіподібно предкы части словаків) и балтицкы славяне.
Вы твердите, же Словакы не сут нич инше лем «пословакизуваны Русине». Ся задумайте, як ся могли пословакизувати, кидь ничого того словенского подля вашой теориї не было. Як бы потім могло быти дашто словенске, кидь словаків не было, лем подля Вас, хлопив од пива, взникли аж словакизациёв русинив.
«sto sja tykat tzv ucenych ludi.d......no na slovynsku je kazdyj ucenych a neuceny sut uz na dochodku....i tak vyzerat jak uceny sja znazat robyti veci kotrym nerozumlat...»
Теперь незнам ци ся розумиме, я пишу о Словенску (SK), Вы о Словинску (SLO).
Хто потім розумит? Гварите же учены нерозумят, неучены тыж нерозумят, та потім уж з того выходит лем єдна особа котра шыткому розумит а заровень ничому нерозумит – Вы (неученый а не на доходку).

Петро's picture

jak citam sto pisete ta

jak citam sto pisete ta chvalabohu ze rusyne sut len mensinou bo jak by sja ku slovo dostali taky veliky Rusyne jak ste vy ta by sme tu mali doraz balkanskyj konflikt...podla mene argumenty typu ze slovaci, madari sut katolyzovane rusyne sut drahou do pekla...to je toto iste jak Slovaci posilajut Madaroch za Dunaj, Rusnakoch za vychodnu hranicu a jak Madare hvarjat ze dakoli sytko na Slovensku bylo madarske a ze v dobrej voli dali Slovakom madarsku zemlu a Slovaci teper vyskakujut..comu to pomoze? treba znaty historiu ale ne na nej stavjaty...bavme sa o tim sto je teper...pisete my rusyne...ta by jem cekal ze sja k rusinom hlasite aj oficialni ale jak smotrim statistiku:

Obec Borša:
počet 1298
slovenská 626
maďarská 653
rómska 0
česká 2
moravská 0
rusínska 0
ukrajinská 0

V Borsi nikoho chot by sja hlasil ku Rusnakom nit ...a toto je realita

Пане Аноныме, мате комплексы

Пане Аноныме, мате комплексы а суй их выбивате на католицкий церкви. Зо вшыткых Вашых приспевкив чути католицкый, католицка, католицке...
«ich ku tomu katolycka cerkva dotlacila....katolyci sut lude kotry NERESPEKTUJUT mensiny a NERESPEKTUJUT ze dachto druhyj mat inaksyj nazor... kid zacali vvodyti katolycyzmus na nasy zymli, chto sja nechotit dati ochrestyti tak toho znycili.»
А чому не повисте як то было з православиёв? Кидь ся дахто не дал покрестити (ци своїм розгоднутём або ни), был высунутый на окрай сполечности; як пид крылом православиї убивали старообрядцив, палили их у огню, як ничили скоморохів бы не бавили театер по селох. Напиште як ся ставляла православна церьков ґу нашым людём – кидь ся народила неманжелска дітина, православный пип єй непокрестил а кидь ся родило дівча та нарядил му дати посмишне мено Нацька. Потім як некрещена особа тот чоловик се был на окраю сполечности, не миг ся винчати, сповидати... И таке ся робило по нашых краёх. Чом православны батюшкове на нашых землёх у ным сторочу так заводили до церкви руштину? Ци то не был покус о русификацию нашого народу? Чом православна церьков, кидь є и была така лоялна вочив меншынам ся придала ґу комунистицкий партиї а приступила на зничиня ґрекокатолицкой церкви на Словенску. Чому русиним не дали слободу вироисповиданя. Там мий любый гледайте початок словакизациї Земплина – люде намисто до православной церкви почали ходити до римокатолицкой де ся служыло по латинскы и по словенскы. Сама православна церков з помочов компартиї способила словакизацию русинив.

«no a ze madare sut latynizuvany rusnaci (vdaka katolyckyj cerkvi) je tyz faktom, lem asi matovi to nepadat do joho tezy o xristijanstvi ....»
Щі повиджте же мадяре а руснаци сут братскы народы, же ся так одразу з руснакох стали мадяре...

Пане Анониме, та потім хто є

Пане Анониме, та потім хто є ту демаґоґ (кидь тото слово так радо хоснуєте)? Та я Вам то повим – СТЕ ТО ВЫ.
«opakuju isi raz: MADARE A SLOVAKY su latinizovany rusyne.»
Чаки трердит, же Словакы сут лем одножов Мадярив, же Словакы сут власні Мадяре.
Слота твердит же Мадяре сут помадярчены Словакы.
Вы твердите же Мадяре а Словакы сут латинизуваны русине.

Нашто ся вертати перед 800 років? Сут теперишні народы – Мадяре, Словакы, Русине. Сут то народы котры ся културні и языково вывинули на уровень, де сут теперь. Як ся раз дахто чує быти русином, нашто му твердите же є словак? Як ся раз дахто чує быти Словаком або Мадяром, нашто му твердите же є руснак?
Кидь бы сте мал схопнисть порозумити, та порозумите же католицка церков до 1960-тых років хоснувала латинскый язык а ґрекокатолицка так як и православна церков хоснували церкивнославянскый язык. Та як ся потім причининём церкви могли з руснакив стати Мадяре, кідь иде о язык цалком инакшый (угрофинскый)?
Я негварю, же дакотры Словакы або Мадяре немают русинскых предків, но не цалый Словенскый або Мадярскый нарід. А є дойс ай руснаків котры мают мадярскых, словенскых, ческых, польскых, рускых предків.
Вы шытку вину за помадярчиня або пословакизуваня русинив звалюєте на католицку церков. Но сам, кибы сте знали ся вымантати спид своїх блудів а кибы сте нормалні роздумувал, зистите, же прави Угорска влада нарядила у 19 сторочу а початком 20 стороча мадярчину по школох, урядох...Там гледайте причину мадяризациї. Так подібно є то и зо словакизациёв у 20 сторочу за котру суй можут Русине сами. Якым языком бисидуют родичове з дітми дома? По словеньскы. Якым языком ся выучує у школох? Словеньскым. На якый язык напишут родичове діти у школі? Рускый, українскый або може русинскый? Ні – анґлийскый и німецкый. А кидь думате словенчину у дакотрых селох по церквох – де хотіли словенчину, же ся векшына з вирникив цитит быти словаками мают словенчину. Де ся люде цитят быти руснаками, мают церкивнославянчину а русначину...
А можете ми писати и сто раз же тому нерозумю, шак шыткому а ничому розумите лем Вы сам.

Милый, добрый, мудрый,

Милый, добрый, мудрый, приємный Аноныме!
«vertati 800 rokiv sa treba bo my rusnaci musyme znati pravdu. jak vsimam, ty nemas zaujem na tim zeby rusnaci totu pravdu znali.»
Руснаци, котры ся ґу тому народу и верейні голосят (на розділ од Вас) знают хто сут, знают же сут выходны славяне, по релиґиї християне. Так то было, так то є а так то и буде, хоць Вам ся то причит.
Кидь ся вернете 800 рокив до заду, тодыль уж предкове теперишніх Руснакив были вецей як дав стороча християнами.
«schopnost porozumyti znam bo jem sja zaoberav cyrkovcov nemalo. katolycka cyrkov pouzyvala jazyk isis aj v 1980 rokach na Slovynsku.»
Но а што суй думате, же мала то быти німа церков? Самособов же хоснувала даякый язык, як и теперь хоснує языкы.
З Вашых приспевкив є ясне, же сам мате великы проблемы з русинскым языком а щи векшы проблемы з писанём.
«jak zrobyli zos rusnakiv madariv? tu vydno ze neznas historiju, mato, a potim vypysujes hluposti kotry choces zeby ti nevedomci aj zos navijakom zobrali(....)ja lem napysu mij nazor»
Каждый кущок интелиґентнішый чоловик похопит, же причинінём католицкой церкви або ґрекокатолицкой церкви, котры як литурґицкы языкы хоснували а ай хоснуют латинскый (пизніше словеньскый язык) а церковнославянскый язык, ся руснаци немогли стати мадярами як то твердите Вы.
Є то лем ваш блудный назор.
«a jak vsimas, kid neznas ze jak sja stali zos rusnakiv na Dunajski nyzini madare, to znamenat ze neznas historiju,mato..»
Кибы сте знали историю Вы пане Аноныме, та бы сте знали, же на оний Дунайский нижыні у 8-9 сторочу был штат – Велика Морава а жытели того штату были прямыма предками теперишніх словаків. А Русине на Словеньско пришли у 12-17 сторочох...

Аноныме, Аноныме, Вы суй

Аноныме, Аноныме, Вы суй думате, же велё люди велё незнат, но сам ся се забудете до той скупины прирахувати, а то є Ваш проблем – Вы суй незнате признати, же сам сте у велё вецох неукый а як каждому чоловикови, и Вам ся треба се вчити. Сам велё раз ту споминате Ленина а ёго «Учиться, учиться, учиться», но сам ся того нетримате - Воду кажете а вино пєте.
«my rusyne jasni hvaryme ze slovaci su KATOLIZUVANY RUSYNE. madare tyz sut katolizuvany rusyne»
То є Ваша теза, же суй Вы так гварите, но што бы сте повили на то, кибы мадяре и словакы повили же руснаци сут ПРАВОСЛАВИЗУВАНЫ СЛОВАКЫ (або МАДЯРЕ)? То бы ся Вам уж нелюбило, бы сте гварили же то неє правда, но сам суй непризнате, же Вашы блуды што ту пишете тыж несут правдивы.
Кибы сте ся кущок повенували историї, та бы сте натрафили на такы факты, же Словакы мают предків Словєнів, обывателів Великой Моравы, котра экзистувала у 9-10 сторочох. Як нарід Словакы взникли взником Угорска, тото их якбы узамкло перед западнославянсков околицёв (Польско, Морава) а так Словєне ся языково и културні розвияли аж до той степени, же ся стали Словаками.
Мадярскы кмені перешли Карпаты у 898-903 рокох.
О першых «русинох», то значит прислушникох старорусского народу ся гварит в леґеньді о князьови Лабірцови (но неиде там о цилу територію в сучасности обывану Русинами). Далей приходили предкы русинів на выходне Угорско у 11-12 сторочох, наприклад зачатком 12 стороча ся принцезна Предслава, дівка князя Святополка выдала за угорского краля Коломана а з нёв до Угорска пришло велё народа з Ґалициї. У 13-14 сторочох на выходнім Словенску взникали новы села на чали з шолтисами, котры приводили нарід з Ґалициї а одночасно тодыль проходила Валашска колонизация (румунско-русинске обывательство).
У 14 сторочу ся зо староруского народу зачали вытваряти рускый, українскый, білорускый и ґаличскый-русинскый народы.
У 14-17 сторочох переходило осидлиня северных части Пряшивского реґиёну ґаличскым-русинскым обывательством, и в сучасности то сут русинскы села.
«no a tomu zilinskomu madarovi a joho kumpanom je dobri....FASA.»
Кідь твердите же словакы а мадяре сут лем покатолизуваны русине, чом потім пишете, же пан Слота є жилинскый мадяр? Чом ненапишете же є покатолизуваный руснак? Бо ся вам то причит – на нёго надавате, но сам од нёго ни на ступляй ногы неутікате, бо сте такый самый шовиниста як Слота, Буґар, Чаки, Шимон... лем они на розділ од Вас ся за свої назоры не ганьблят а ся пид них и пидпишут а нескрывают ся за анонимиту.
«sucasny rusyne sja stali narodnostnov mensinov na vlasni zymli, proto nerozumlu sto tu bisidujes o narodi...»
На власній земли? Польско, Україна, Словеньско, Мадярско, Румунско и Балканскы країні, Канада, США сут подля Вас русинска власна земля? Русине се миґрували а и вдяка миґрациї ся з них стал єден нарід. Окрім того, нашы предкове на позваня угорскых кралів осидлили необываны части Северовыходнёго Угорска (теперишнє Выходне Словенско) а з того выпливат, же Руснаци ся стали меншинов на земли, котру им угорскы кралёве дарували, но се лем пид Угорско (пизніше Словенско, Ческословенско) патрили.
«Majut svij STAT? RUSYNSKO Od Dunaja ku Uralu?....nemas jasno v urcitych pojmat ta ich nerozumys.»
Немают свий власный штат, но и так сут народом, мают свий язык, културу а пане Аноныме не сут то Українци.
«RUS necilych dvasto rokiv piznise nelemze neeksistuvala ( rozumij v hranycoch) ale byla podilena disintegruvana ( rozumij socioekonomicky).»
Вдяка тому ділиню ся старорусскый нарід розділил на Русив, Українців, Русинив, Білорусів. А як сам пишете было то на 200 років пизніше – Удельная Русь. Прото ся задумайте а зистите, же у Києвский Руси жыл старорусскый нарід – предходця сучасный выходославянскых народів.
«vydys Slovynsko a Slovinsko sut dva staty. kazdyj rusnak tomu rozumyt. lem nerusnak neznat sto to je.»
Каждый руснак што знат писати та як думат Словенско та напише Словенско а як думат Словинско та напише Словинско. Бо руснаци жыют и на Словенску, но и у Словинску их є дойс. А потім хто мат знати, што Вы думате, хоць якбач то ани Вы сам незнате.

ПЕРЕНОШАМ ГЕВСА ЄДЕН

ПЕРЕНОШАМ ГЕВСА ЄДЕН ПРИСПЕВОК ОД ПАРА АНОНИМА З ДИСКУСІЇ РУСНАЦИ ВЕРЗУС УКРАЇНЦІ
mato, UPOKOJ SIJA, jak by jes
Ne, 03/01/2010 - 00:52 poslal Anonym.
mato,
UPOKOJ SIJA,
jak by jes byl rusnakom, ta by jes znal mena rusnackych bohiv.
zato ze rusnakom nejes, tak znas meno lem vatikanskoho boha ( nerusnackoho).
UPOKOJ SIJA,
ja barz dobri znam o cim melu, lem tobi to neide do planu naplanuvanoho ustrednym vyborom.
nasy bohove nesluzyli na ohlupovana ludi, ale na ich odhlupovana. sto sja tykat rodnych lystiv tak kazdyj rusnak mat rodny lysty svojich rusnackych bohiv.
sto sja tykat zaznamiv vatykanskych tak toty byli sfalsivany. kazdyj rusnak znat, sto za politika byla u vatikani- vrazdy, mordy cyganstva a smilstva papiv.
tvoji argumenty historija dokazala ze sut cyganstnva, a o tim sja rusnaci sami takzo peresvidcili.
chto mat lem chr filipa a zacne dumati, tak sja jasni a jednoznacni dodumat ze tu ty hovorys DEMAGOGIJU, nycina rusynstva a zavedzina nerusynstva=xrystyjanstva.

Діло словакізації Анонимом

Діло словакізації Анонимом закинчене

«mato, UPOKOJ SIJA, jak by jes byl rusnakom, ta by jes znal mena rusnackych bohiv.
zato ze rusnakom nejes, tak znas meno lem vatikanskoho boha ( nerusnackoho).»
Я єм покойный, лем ВЫ СЯ ОБАЧТЕ!!!
Кідь неєм подля Вас руснаком а єм словаком, незнам мена руснацкых богів – НАПИШТЕ МИ ИХ, ХОЧУ О НИХ ЗНАТИ ХТО ТО ПОДЛЯ ВАС СУТ!!!
О тім чи єм руснаком, або ні ся Вам выправдати немусю, народнисть мам русинску, материнскым языком ми є русначина, обчанство мам словеньскуй републикы а єм християном, зато незнам мена «руснацкых богів», но тоты незнате ани Вы сам (кибы сте их знали написали бы сте их ту а некрутили ся як ... в ...), лем ту заводжате демагогіёв о руснацкых богох. Што ся тыче того «vatikanskoho boha», як католикы так и православны ся молят Вирую во Єдиного Бога отця...
«ja barz dobri znam o cim melu, lem tobi to neide do planu naplanuvanoho ustrednym vyborom»
Вы знате о чим мелете, лем нихто Вам нерозумит. Оно знате як ся гварит – Шыткы на свиті шалены, лем я Аноным сам розумный!
«nasy bohove nesluzyli na ohlupovana ludi,»
Мате правду, НЕСЛУЖЫЛИ бо руснацкых богів ани небыло ани неє а ани небуде. Руснаци сут народом християнскым.
«sto sja tykat rodnych lystiv tak kazdyj rusnak mat rodny lysty svojich rusnackych bohiv.»
Родный лист є папирёвый документ о народжиню чоловика... Є то выпис з книгы матрикы.
«sto sja tykat zaznamiv vatykanskych tak toty byli sfalsivany. kazdyj rusnak znat, sto za politika byla u vatikani- vrazdy, mordy cyganstva a smilstva papiv. tvoji argumenty historija dokazala ze sut cyganstnva, a o tim sja rusnaci sami takzo peresvidcili»
Зазнамы о Різстви Христа походжают щі з Римской рішы а прото не можут быти Ватиканскы, кідь Вам то дашто гварит – то была поганска країна а о Ватикані оновды небыло щі ни думкы. Што ся робыло у Ватикані, то ся робыло і у Москві.
«chto mat lem chr filipa a zacne dumati, tak sja jasni a jednoznacni dodumat ze tu ty hovorys DEMAGOGIJU, nycina rusynstva a zavedzina nerusynstva=xrystyjanstva»
Но та тото ани непотребує великый коментарь, хто мат у голові кущок розуму, розознат хто ту яку ДЕМАГОГІЮ заводит. Єст така пословиця же «Злодій кричит поїмайте злодія» або наша дирек руснацка «Торба торбі до торбох надавала а обідві єднакы были».

А словакізації руснаків допомагате великов міров і Вы сам пане Аноныме. Кідь каждый християн-Руснак є уж подля Вас Словаком, потім є діло словакізацїї докінчене – руснаками сте потім лем Вы а щі пару индивидуїв што сами незнают што хотят, де идут а о што им власні иде. А тых 15-20 людей неможе творити нарід.

Анонимита = руснацка

Анонимита = руснацка идентита?

«mato, ja kazu veci zos pohladu rusnaka.»
Ми ся видит, же бисидуєте не з погляду руснака а з погляду демагога, якый суй у своїй голові надумал шаленоты а хотіл бы их розшырювати помиджи люди, вывертати правду а заводити блуды.
«ty kazes veci zos pohladu nerusnaka A KATOLYKA, a sam to pryznavas.»
О тым же єм руснак ся з Вами вецей спричати небуду, а же єм християн – ґрекокатолик є лем правда.
«demagogiju tu pyses ty, nemajuc argumentiv, pouzyvas aj urcity tahy kotry pouzyvav Dr Goebbels. ale nyc to...... my zme ta uz perevitryli»
Пане аноныме, Вы суй перевитрюйте пердиту а не мене. Незнам чом суй сам выкате, хыбаль жебы назнакы схизофренії? Я єм вам предложыд аргументы, вы сте нам ненаписали ани єден, чом сте ненаписали мена вашых дирек руснацкых богів кідь гварите же их знате(мы маме єдиного Бога), ани назвы дирек руснацкых свят котры ся мают подля Вас святити (мы маме християнскы свята), непредложыли сте ту доказы о каландарі – датумох (я єм Вам их предложыл), непредложыли сте нам родны листы поганскых богів котры подля Вас як каждый справный руснак мате (экзистуют доказы о народжиню Исуса Христа и о ёго смерти)... Потім хто немат арґументы? Сте то Вы пане Аноныме.
«pid vplyvom katolizaciji sja vylo hoto rusynskoho znyscilo.»
Немате правду, велё ся того зничило лем там, де люде то допустили – хто є зайс на вині? Хто за то може? Сами люде же то допустили.
У нашому селі зме вшыткы ґрекокатолици, у церкви маме святы литурґії по церковнославянскы, апостолы, євангелиї читаме по русинскы (списовні), проповиді маме по руснацкы, акафисты, молебены, кресну дорогу, парастас, погріб... вшытко одправляме по русинскы (списовні)... Жебы ся тото дало назвати католизаціёв? Наисно ні!
«i proto my rusnaci sjatyme narodynyny boha bohovoho kazdyj dyn a to najlipse v KORCMI! NA ZDRAVICKO!»
Так і вызерают тоты Вашы арґументы як кидь бы з корчмы выходили! Холем єм Вас щі скорей одгалил – же Вашы приспевкы сут на штил старых парібків зо села што під корчмов мают великы речи – бо як дашто, та ся під корчмов гварило, а верейні як треба од своёго мена дашто повисти та тримут язык за зубами.
Вы то одвоводнюєте слободов слова, но слобода слова є то, же я сам од своёго мена дашто повім або напишу а ся під то і підпишу, неганьбю ся за то а нич ми зато неє, тото є слобода слова а не то же пишу під крылом анонимиты. Як приклад приведу гледаня слободы слова за бывшой эры – молодеж спреювала по ночох скіны будовох надписами против режиму, но нихто з них ся під то непідписал – была то слобода слова? Так исно є то і з Вашыма приспевками, ганьбите ся за свої нагляды а так ся крыєте за анонимиту, но так невызерат слобода слова!!!

аноним, одкаль єс на то

аноним, одкаль єс на то пришол? Розуміш вшыткым словам котры поужываш?

Кедь то немаш зо своёй головы скусь написати здрої одкаль черпаш тото знаня.
Кедь то маш зо своёй головы скусь подробнї розписати і підложыти фактамі як то вшытко было з намі Руснаками. Wink

Аноныме, та Вы як правдивый

Аноныме, та Вы як правдивый руснак пєте ческе пиво? Шак то уж яка чехізація J

ta mato, sydyme kolo pyva ( lubylisme prazdroj, ale odkoli ho uz neje jak bylo ta pjeme sytko dobre pyvo), i balakame.
my sja nedavame zbrejnvosinguvati. takze odkyl to to ma me to ti nepovime, ale nepysal to ani mico ani adar.

Вам якбач з того пива уж нелем мозоґ затемнило, но уж и очи Вам затягло. Кідь сте недовиділи, же Вам писал КОРИ а не Матьо.

«my sja nedavame zbrejnvosinguvati. takze odkyl to to ma me to ti nepovime»
Но шак гей, правду мате же ми то неповисте, шак бы сте ани незнали што мате повисти, бо вы кідь дашто повисте та то такый блуд, же ани сам тому непорозумите. А одкыль то мате – та то уж знам же то лем з вашых блудных снів, то ми гварити немусите.
Но мате добру перспективу на «пословакизуваня Русинив» - Вы то знате, но другым не повисте. Вы помрете, ани стрямбы з Вас незостанут а руснаци-словаци и руснаци-українци ся недизнают што подля Вас мали быти, што святити а далшы блуды што ту блякате...

«MYLYJ DOBRYJ MUDRYJ

«MYLYJ DOBRYJ MUDRYJ PRYJEMNYJ» Аноныме
«No vydys mato,tu si mylis rubriku. rubrika ''Veselym slovom'' je na vedlajsi stranci ;;;;;; »
Тот, хто суй дашто ту помылил, сте Вы конкретні. Суй прочитайте де сте у якім дискусным форуми – прочитайте суй назву чланку. Кідь сте непорозумили, автором чланку єм я а то значит, же и мам право а повиннисть суй обгаїти тото што єм написал.
Уж´м Вам вецей раз писал, кідь ся Вам нелюблят мої чланкы, нечитайте их, перескочте их а кідь то што пишу одпорує Вашым наглядом, напиште Вы свій чланок, нихто Вам то несперат.
«ta rusnaci-slovaci sjatat 25 i 26 decembera, rusnaci-ukrajinci sjatat 7 januarijusza.»
А лем Руснаци (без додатку) святят 25 децембра а то і по ґриґоріянскым і по юлиянскым каландарю.
«a po oboch typoch rusnakoch ostanut rusnaci-islamiste sto budut sja mati isi hirse ale nevadyt.»
Кідь ся в захованю руснацкости будут анґажувати люде з подібныма наглядами як Вы, ани бы´м ся нечудувал, кибы то так допало.
«id sja napyj tyz pyva, ta ti popustyt v holovi, bos nehoden najti normalne slovo, lebosto pyses ta putas. nehoden jes napysati suvislu vetu bes sliv jak: durnyj nezna, hluposti zatemnilo, no skratka samyj SKVOST TVOJOJ ( katolyckoj) ''kultury''...»
Моя култура «католицка», а Ваша..... гммм.... нияка, бо Вы сте наслідником дачого, што ту ани небыло. А што ся тыче нормалного слова – про Вас мої слова николи не будут нормалны, я то похопил, шак Вы ани вету на латинци незнате добрі написати. А якбач мате и проблемы з читанём.
«jak choces dakomu dasto rozumne povisti, to ti treba pylno ucitisja slovka jak: MYLYJ DOBRYJ MUDRYJ PRYJEMNYJ NEVADYT UCITISJA UCITISJA UCITISJA..»
То знам, я тоты слова добрі познам, но може дакому то буде припадало дойс спросте што тепер напишу, най ми то перебачат, но і мы Руснаци маме свої поговоркы а єдна з них гварит «З чоловиком по людскы а з говедом по говедскы» або «Хто хоче з вовками жыти, мусит з нима выти!» Та и я уж по пару тыжнёх переписуваня´м пришол на то, же ся мусю кущок приспособити ваший схопности порозумити написаному.
«toto Leninove jem tam dal narokom, bo tobi treba sja isci vyljo BAARS vyljo uciti scob ty stav ludynoju jaka moze kulturno reprezentuvaty svij narid.»
То был покус о українчину? Або руснацку українчину? Но та бы сте порозумили одповидь напишу єй так:
Мені не треба вчитися, щоб я став людиною, яка може культурно представляти русинсько-український або русинсько-словацкий нарід, бо таких народів в світі немає, а я хочу представляти лише інтереси мого русинського народу християнського.

Лем додаток ґу боду

Лем додаток ґу боду 4
«rusynsko-slovynskyj narod ta rusynsko-ukrajinskyj narod majut svoji hranyci i sut uznany statami, bo existije republyka pro oba narody.»
Якыма штатами сут узнаны? Котра република є про оба народы? Словенско? Жебы Україна, котра руснаків се за українцив рахує? Чому руснаків ділите на народы, кідь то є се лем єден нарід жыючий у вецей штатох Европы.
Кідь сут то подля Вас два одділны народы, чому ся потім выядруєте як руснак-українец (што якбач ані не сте) ґу чланком «руснака-словака» котрый пише о традициёх «руснаків-словаків», кідь то з Вами а «Вашым народом» немат нич сполечне?

Пане аноныме, кідь незнам

Пане аноныме, кідь незнам одповидь на дакотры отазкы, та суй то наштудую у одборній литератури а не лем у єдным здрою, но у вецей здроёх а невыдумую суй свої блудны верзії як то робите Вы.
Щі ґу тым моїм отазкам – их цилём є выволати у читача задуманя ся, но як виджу, у Вас то незаберат а нич Вам то негварит.
«Kazda republyka je pro oba narody- SK je pro rusyniv-slovakiv, a UA je pro rusyniv-ukrajinciv.»
Дозайправды читате по соби што пишете? Кідь напишете, же кажда република Є ПРО ОБА НАРОДЫ, як потім можете дакуй твердити, же Словеньско є про «русинив-словаків» а Україна про «руснаків-українців». Сут то країны у котрый миджи майоритным обывательством жыют и РУСИНЕ, без додатку, якы им давате лем Вы!
«lem pro tvoju informaciju: mas problem z tym ze UA rachuje rusnakiv za ukrajinciv.
A UZ JES DAKOLI PROTESTUVAV ZEBY SK PERESTALO RACHUVATI rusnakiv za slovakiv?.... ani raz. jem si 100% istyj.»
Так є, проблем з тым, же Україна не хоче признати Русинив самотным народом а се их рахує до Українцив. Но Словенско узнало Русинив за самостатну нацию, не рахує нас до словеньской народности, но рахує нас лем до почту жытелів, Словенско рахує нас за выходный славянив, маме можливисть штудувати свий язык, маме свої общества, музей, фестивалы, у списуваню народа можеме суй написати русинскый материнскый язык, русинску народнисть...
Лем про Вашу информацию: мате проблем з тым, же Словенско поважує Русинив за самостатну нацию а дало им можливисть ся розвивати. А Вы сте даколи протестували, же Українци рахуют Русинив за Українцив? Ани раз, єм си 100% истый.
Интересне, же словаків, мадярів, гутораків рахуєте за Руснаків, но самотных Руснаків рахуєте за Українців, Вы ани сам незнате што пишете.
«ja rusnakiv NEDILU na vecej narodiv, dilyti ich dilys TY bo neustajni rusnakiv-ukrajinciv NERACHUJES za rusnakiv ale za nerusnakiv, rzm ukrajinciv.»
Хто ми першый а холем 10 раз гварил, же не єм руснак а єм руснак-словак-католик? Пресні Вы пане анониме, спребачинём суй брыдите до ґамбы.
Лем бы сте ся опамятали, што сте Вы сам написали Вам то припомяну:
«Št, 07/01/2010 - 19:39 poslal Anonym.
ta rusnaci-slovaci sjatat 25 i 26 decembera,
rusnaci-ukrajinci sjatat 7 januarijusza.
a po oboch typoch rusnakoch ostanut rusnaci-islamiste sto budut sja mati isi hirse ale nevadyt.
So, 09/01/2010 - 12:06 poslal Anonym.
Kazda republyka je pro oba narody- SK je pro rusyniv-slovakiv, a UA je pro rusyniv-ukrajinciv.»
Хто потім ділит Руснаків? На тоту отазку знам 100% одповідь – я то не єм, но СТЕ ТО ВЫ МИЛЫЙ, ДОБРЫЙ, МУДРЫЙ, ПРИЄМНЫЙ АНОНЫМЕ!
«MISAME SJA BO JE TO U NAS. A BUDEME SJA MISATI AZ DO MOMENTU POKYL BUDE TREBA.a jak uz nebude treba ta budut tu cinane.»
Лем жаль, же ся мишате до дачого, чому вобще нерозумите... Лем ся мишате, бы сте ся замишали...
Тоты анґличане можут быти рады, же такого народовця там дістали – дозайправды, щі Вам дам намет на гнешню ніч – нероздумували сте, же (окрім подля Вас мадярив, словаків...) анґличане сут поанґлизуваны «руснаци-українци»?

То з Вами пане Анониме є то

То з Вами пане Анониме є то барз плане. Я на розділ од Вас радо штудую, но Вы мате лем свої фантазмаґориї што сте суй навыдумували. И Вам бы незашкодило холем кущок ся повчити, бы сте ся холем писати липше навчили, бо ани вету рядні написати не знате, хоц як так думам ту на руснакох Вам коло коров на поли нетребало писати а у Анґлицку шмитяре тыж не пишут...
Видно же не сте певного розуму а роздумуваня. Сам незнате што пишете. Раз напишете а твердите єдно, о пару шориків далей то дакуй поперате а пишете дашто инше. Кідь немате ниякы нормалны підложены арґументы, зачнете ми твердити як то є зо мнов плано... Кідь уж незнате што мате написати, та зачнете мої слова на Вас обертати на мене. Кідь Вам напишу же мате признакы схизофрениї а вам поясню што то є – у далшым приспевку мі гварите же мам признакы схизофрениї а пояснюєту што то є. Сам не знате написати сувіслу вету, што видно на вашых приспевкох, но дакуй то обернете же я незнам написати сувіслу вету (мате зявны проблемы з читанём). Кідь Вам напишу, же дашто незнате у мозґу спрацювати, дакуй у далшым приспевку ми то пишете вы, же «ze tvij mozog to pochpyt». Сам руснаків ділите на шелиякы ґрупы а наконец повисте же их так ділю лем я. Кідь Вам напишу, бы сте суй за собом прочитали што напишете, дакуй то пишете Вы ми – я суй свої коментары читам а розумю им....
«no zrozumlina veci neje zalozene ze''si pides dagde a nastudujes matery jaly''. to je jalove.
veci mozes pochopyti lem tol jak ich nestudujes, a znas.»
Та вшыткы люде на швиті штудуют, бы дашто знали, лем Вы сам думате а шытко знате а тото што Вы выдумате мусит быти лем правда. Но неробте суй старости, было такых люди вецей на швиті...
«reaguvati mozes na kazdyj nazor, na kazdyj mij nazor, na zal.lem ta upozornuju, ze kid zareagujes, tak lem potverdys pidozrina, ze mas klynycky objavy schizofreniji ( v prypadi ze neznas sto to je- je to rozdvojina osobnosti- a v prypadi ze nezareagujes, tak potvrdys ze v tim cilim koncepti na tzv ridvo jes byv oklamanyj, jak i miliony nasych chudakiv pered tobov, sto neje zle bo kid zyjes, tak mas moznost sja vernuti na svoje, na rusynske.»
Кибы´м Вам ненаписал, што то є схизофрения та незнате, теперь ю будете писати вшадыль бы сте холем кущок розумный вызерали перед народом. Є то то саме як КОРИ написал словко демаґоґія, котре сте потім скоро у каждім коментарю поужывали.
Мате правду, і Вы мате се можливисть ся вернути на своє русинске – християнске бо инакшого руснацкого неє. Вы ту твердите, же русине не сут християне, но нияк раз то незнате потвердити лем Вашыма блудныма снами о поганскым народі.

«kid zareagujes, tak lem potverdys pidozrina, ze mas klynycky objavy schizofreniji»
Потрібный коментарь? То потім подля той Вашой теориї значит, же і вы мате клиницкы обявы схизофрениї кідь одповидате на мої коментарі...
Глашка тыжня а може и цилого року. Векшы блуды уж лем Бранё і Нора Мойсейовы знают повисти.

Аноныме, кідь єм подля Вас

Аноныме, кідь єм подля Вас блбом та ми то є єдно, суй думайте о ми што хочете, но на розділ од Вас холем вету написати знам, бы ся и прочитати и порозумити дала. Розтолкуйте свою вету: «takym jak ty jes sja uz nym, na zal-pokyl jes rusnak byl-stal.» а потім дакому гварьте же є блб.
«sto sja tykat schizofrenykiv to y toturobotu znam, bo jak pryjde cas ( mene zavolavut zeby pryjti im pomoci) to ju roblu i totu robotu.»
Видите, якый гнесь швит настал, другым помагате а сам соби помочи не знате...
«robyl jem i z esesakami, a znal jem i pobocnyka toho bajusatoho avstrijaka. tot pobocnyk umer v roci 2003. tot bajusaty avstrijak chr skorise.»
Холем знаме, скадыль тоты Вашы нагляды сте набрали... А посмотьте як тот баюсатый австрияк допал, та позир на то, бы ся и Вам таке непопало.
«sto sja tykat tebe tak mozu lem povisti stare rusnacke: Mas pravo povisti sto sebe dumas, to isi neznamenat ze mas pravdu. A ty sja mylis. ( hvaryt kolega).»
Так є, мам право верейні повисти што соби думам а пид свої коментары ся и пидпишу, бо суй стою за своїм а некрыю ся за анонимиту як дахто. Одте ся спросте «колеґу» ци и Вы ся немылите...

Я велё нерозумю а непорозумю,

Я велё нерозумю а непорозумю, сут и такы ведны области до котрых бы´м ся николи непустил, но Вы до шыткого ся акоже «розумите» а притім ничому ніґдай нерозумите.
«o esesakoch by jes si mal procitati paru veci bo o nych mas nedotvorenyj pojem.»
Же то читам од Вас пане Аноныме, же мам суй дашто прочитати, то наїсно вышло з вашого «колеґу», бо гынто сте ми твердил, же нетреба читати а треба коло пива роздумувати а сам на то прийду.
«zakladom rusnackoj demokraciji je POVIM SEBE STO SI DUMAM A NYKOHO NEZAJIMAT CHTO JA JE ALE KAZDOHO ZAJIMAT STO JA BISIDUJU....»
Та то барз чудна тота Ваша «демокрация». То може платити так акурат у корчми пиля пива и палінкы бо што ся у корчми бисидує та то се анонимне пид крышов «у корчми гварили». Ваша «демокрация» ся ищи неодділила од тоталитных часив, се ся боїте од свого мена дашто повисти...
А мы у цивилизуваным руснацкым швиті маме инакшу, розвинутішу форму демокрациї – мы суй можеме повисти што хочеме, де хочеме а сами ся пид то пидпишеме або то верейні повиме.
Но Вы покыль порозумите о чим є демокрация, то щі велё воды долов ринёв потече а у Вашым припаді є дойс можне, же то ани ниґда непорозумите.
«pipdysuvati sja vymahali komuniste od 1950 roku....»
Ту неиде о пидписуваня, но кідь маме слободу слова, то значит же можеме ся верейні выядрувати ґу даным темом. Вы слободу слова в соби не мате, бо се ся лем за анонимиту крыєте а шаленотами то одвоводнюєте.
«sto sja tykat skisofrynyji tak ty jes skisofrynykom sam, bo ras hvarys ze jes rusnak, a potim hvarys ze jes katolyk....toto je evidentnyj priznak ze deteriorujes.»
Я пане Анониме, на роздід од Вас руснаком єм.
Народил´м ся на руснацкий землі, од маленька єм бисидувал лем по руснацкы, верейні признавам же материнскым языком ми є русначина, верейні суй пишу народнисть русинску, анґажую ся у розвою русинской културы а єм прислушником Ґрекокатолицкой церкви.
Но кидь прислушнисть до церкви и народнисть сут по Вашому нагляді признаком схизофрениї, най ся любит, мене то не цикавит, думайте суй о ми же єм схизофреник, може Вам то поможе при личиню ся, же будете мати поцит, же несте ту на голосох лем Вы а ваш «колега» сам схизофреник.
«a napysati dasto bez bodky lem zos carkami ci hackami dokazu i na pjat stranok, lem by ti z toho mozgy nacisto spyskali, jak vydno ze uz zacali pyskati.»
Та я за то неможу, же Вы немате ниякы арґументы, лем Вашы выплоды фантазиї, котры ся змистят так до 5-6 шорикив а шадыль се лем тото исте – нерозумиш, непохопиш, велё вчити, демаґоґия, католицка...

Пане Аноныме, В першым ряді я

Пане Аноныме,
В першым ряді я ся перед Вами немам чом бранити, бо я лем пишу свий назор за котрый ся неганьбю (демокрация) а кидь дашто напишу, на розділ од Вас то знам лоґицкы одвоводнити а литературов пидложыти. Я напишу правду, но вам ся то причит а прото суй думате, же ся браню.
В другым ряді я ся немам чому сам перед собом бранити, я то мам у своїй голови успорядане як то было а як то є.

Думате, думате а се дашто

Думате, думате а се дашто инакше выдумате, вчера сте дашто твердили же то так є, гнескай твердите же то неє, небачите на соби признакы схизофрениї (про обясніня – роздвоєня особности).

«1; je nepochybne ze mas pravo tvoji clanocky objavuvati, pardon obhajuvati.
Povynist ich obhajiti ale nemas, bo kid jes napysal clanocky na zakladi mylnoj informacii (jak jes), ta nyjaka povynist ti nevyjde. Na to je nase rusnacke:
''..mas pravo, ale to isi neznacit ze mas i pravdu...»
Я´м написал свої чланкы на закладі моїх ведомости, котры на роздід од Вас знам и ведецкы підложыти одборнов литературов а документами! Но Вы то якбач непорозумите, бо Вы ся лем того єдного тримате: «Шыткы люде на швіті дуракы лем я филозоф!» Но знайте, же уж были і сут на швіті і вецей школуваны люде як сте Вы, што знают свої думкі и нагляды доложыти...

«2; rusnace tzv risdvo nesjatat bo rizdvo je sjato abo katolycke ( pro rusyniv-slovakiv) abo pravoslavne( pro rusyniv-ukrajinciv). ale neje to sjato rusnacke.
( OOJ toto ti bude tazko do tvojoj holovy perepchavatisja...uz to vydyme).»
Суй прочитайте свої коментарі а ся задумайте, ци знате власні о чим пишете... Перше сте обгаювали «Московске Різство», потім сте уж мали «поганскы свята», потім сте зачали розоберати «різство руснаків-словаків-католиків а руснаків-українцив-православных»...
Што бы сте ми хотіли до головы перепхават, кідь сам незнате што лябджете? Уж вецей раз´м Вас вызывал, бы сте нам написали якы сут тоты дирек «руснацкы свята», догнескай сте их ненаписали «бо вы их знате, но неповисте», што значит же лябджете блуды до вітра!
А як гварю, НЕЗОВШЕОБЕЦНЮЙТЕ, кідь немате што! То же Вы дескай у Анґлиї святите даякого Динделега щі незначит, же Руснаци на Словенску, Польску, Україні, Мадярску, Румунску, Гамерики... не святят Різсвто!

«3; jak ty jes naslidkom ''katolyckoj''kultury, a ja je naslidnykom dacoho sto tu nebylo - no ta jak colovik moze nasliduvati dasto sto neeksistuje?...Rozpravky z Tisic a jednej noci?..»
Ґратулую, пресні сте то выстигли, тоты Вашы коментары так вызерают як з приповидкы, шак то лем Вашы блудны выдумкы што ся Вам у ночи присниют.

«4: rusynsko-slovynskyj narod ta rusynsko-ukrajinskyj narod majut svoji hranyci i sut uznany statami, bo existije republyka pro oba narody.
narod rusynsko-katolyckyj neeksistije, bo neje republyka taka.»
То значит, же подля Вас русине-словакы сут обчанами Словеньского штату а русине-українци Українского штату. Розділює их границя. А хто сут потім «руснаци-українци-православны» што жыют на Словеньску? Страчены люде або што сут подля Вас? Русниско-католицкый народ неекзистиє, то мате правду, но чом потім до фраса у предошлых приспевкох се споминате русинив-католиків-словаків а одразу твердите, же такых неє. Читате за собом власні што пишете?

«5; hovedo je asi tak rusnacke slovo ( je to slovo rusnaka-slovaka), jak slovo transporter je slovo ludi na ostrovi UBABABE. I na to by sja dalo povisti lem: trymajsa ty sustre lem svojoho kopyta.»
Слово «говедо» од «руснака-словака» є вецей руснацке слово як слово «zbrejnvosinguvanyj» од неруснака Аноныма.

«Inakse ti prajeme z nasov tvorcov skupinov Nidilnajsyj trojhla, sumnyh vik end.»
Же «творча скупина» – то мате ґруповы сны? Або жебы дозайправды схизофрения?

Двоякый метер «mato, toto sto

Двоякый метер
«mato, toto sto ty tu predlozyvjes je cisto KATOLYCKA PROPAGANDA kotra zos rusnackym nemat nyc spolocne. katolycky ci grekokatolycky tzv svjata ( rozumyj demagogija) nemat zos rusnackym nyc spilne.»
Чому є то лем католицка пропаґанда а не і православна? Ци православны гнеска (дакотры і перед двома тыжднями) не святят Різсто Христове? Святят! Ци православны не святят так як ґрекокатолици Великдень, Богоявліня, Русаля, Преображениє, Успениє? Святят! Ци православны або ґрекокатолици святят поганскых богів? Ні!
Чому подля Вас католицкы а ґрекокатолицкы свята сут демаґоґія а православны святя ні? Шак иде о тот самый християнскых заклад. Даколи бы вам незашкодило суй прочитати за собом што пишете, потім порозумите свою демаґоґію.
«na nas ju zaveli okolo roku 970 z jedynym zamerom-znyciti sytko rusnacke.»
То сте наісно такый наівный, або вам наісно пиво вымыло мозоґ, кідь суй думате, же у 10 сторочу уж были руснаци, а твердили о соби же сут руснаци? Або же в тых часох уж жыли ту на теріторії де жыєме мы? Руснаци ся як нарід културні і языково вывинули намного пизніше. Наша теріторія была осидлена руснаками переважні у 14-17 сторочох, якы пришли ту з выходу, з тогдашнёго Царского Руска, яке прияло християнство у 988 роци. Жебы ся у Києвский Руси прияло християнство «z jedynym zamerom-znyciti sytko rusnacke»? Ся обачте!!!
«a napysal jes to jednoznacni ze nejes rusnakom. ty uz jes tak zdemagoguvanyj ze ti nit pomoci.»
Про мене за мене, ми можете твердити же єднозначні неєм руснаком, можете ми твердити же єм и монголом ... Ми то є єдно, бо я знам своє. Я руснак был, єм и буду, я руснаком народился, жыю и руснаком помру!

O kalendaru vyšol dobry

O kalendaru vyšol dobry članok v novynkach "Bardejovské novosti". Prečitaty si ho možete aj tu:
http://www.rusin.sk/index.php?ID=510&l=sk

Odporučam si všimnuty, že i Julianskyj kalendar ša zminil (ne datum, ale rachuvaňa prestupnych rokiv, žeby lipše šidily), a je dokonca presnišy jak gregoriansky (2 sek. vs 25 sek.)
A hlavni, julianskyj kalendar platyl v časi narodžiňa, roždestva Isusa Christa.

A toto s rovnodennosťou je absolutni " na holovu", bo astronomicku rovnodennost nezaujimat jakyj je kalendar, vesmir ša neriadit kalendarom, ale kalendar ša riadit vesmirom. I keby sme použivali neznam jakyj kalendar, tak furt bude rovnodennoeť v rovnakim momenti, bez ohľadu na datum v hocijakim kalendari.

A za dalše, naš pravoslavnyj velykdeň neide podľa kalendara, ale podľa istych pravidloch, kotry ša prijali na všeobecnim snemi, a riadyla ša nymy aj katolicka cerkov, kym ich raz jeden papež nezrušil a nenariadil švatyty podľa svojoho, teda podľa rovnodennosti.

Дякую красні за коментарь и

Дякую красні за коментарь и за одказ на зауїмавый чланок.
Хыбу з рахуванём Великодня´м оправил а подрібніше розписал´м.
Юлиянскый каландарь платил и в часи Рождества Исуса Христа в Римский империи, но однако в тым часи в землі де родился Исус платил и жыдивскый каландарь (рокы рахували од початку світа) а так само кідь Йосиф з Маріёв и Исусом утікали до Египта, там тыж платил даякый инакшый каландарь...

Анониме, кибы дурнота квитла

Анониме, кибы дурнота квитла та сте як найкрайше розквитнутый кряк.
«sto tu labdas pro jakuskaj grekokatolycku cerkvu sto nepryjala kalendar? pamjataj, ze cerkva od roku 988 ci 987 abo 989 byla furt pravoslavno...»
Кідь мат чоловик кущок розуму а интелиґенії, при читаню чланку порозумит (кідь не мат проблемы з читанём як Вы), же як ся у предошлий веті розоберат рік 1918 у Руску, а иде о тот самый одставец, потім то значит же вета надвязує на предошлу вету а прото «Православна и Ґрекокатолицка церьков у Руску (Білоруско, Україна, Молдавско...) не прияли новый каландарь» ся не думат у роци 988-989 а думат ся про рік 1918 а тодыль мий златый уж Ґрекокатолицка церьков у Руску офіциялні экзистувала 300 років.
«toto ze nepryjali toto kalandar neje risina nepravoslavnoj cerkvi, ale risina nepravoslavnych odpadlykiv.»
Но видите, иде лем о назву, я гварю о ґрекокатолицкий церкви (официялна назва, знама по цилым швиті), котра самособов же є неправославна церков (так як ю называте и Вы, но в тым вызнами, же непатрит ґу православным а ґу католицким церквам), а люде, котры ся ґу ній гласят ся называют ґрекокатоликы (Вы их называте неправославныма одпадликами). А кідь ґрекокатоликы у Рускых землёх не прияли ґриґоріянскый каландарь, то значит, же го неприяла Ґрекокатолицка церьков в тых країнох, бо церьков ту на земли творят люде.
«v dnysni dobi je nepravoslavna cerkva sice v prevazi, ale sja ukazuje, ze chotat zneuzyti na znycita sytkoho pravoslavnoho, a prezentuvati to jak nepravoslavne.»
Я лем жасну над Вашыма коментарями, раз обгаюєте лем православну церков, другый раз сте против церкви цалково а сте за поганскы обряды.
Раз боюєте за свячиня на руснакох Різства Христового 7 януаря (ҐК), у далшым приспевку твердите же руснаци не святят Різство а святят дирек руснацкы поганскы свята богів (котры а котрых не знате написати – хоць правда раз сте штоскай лябдали о богови пиви).
А то твердите же немате признакы схизофрениї... Подля Вашых приспевкив то уж невызерат на признакы а рівно на тяжку форму схизофрениї.

Аноныме, ся негнівайте, но Вы

Аноныме, ся негнівайте, но Вы гварите, же мої слова сут признаком демаґоґиї, но вашы слова сут признаком примитивизму.

Се сте споминали дирек руснацкых богів, наконец сте написали мена Перун, Колка, Фрас – ни єден з них неє дирек руснацкый бог, докінця ни шыткы трёми не были поганскы богове. Руснаци мают лем єдного Бога – руснаци сут християне.

Перун
Был СТАРОСЛАВЯНСКЫЙ бог грому та блеску а был охоронителём польногосподарьства. Подля старой славянской митолоґиї был сыном Рода, брат Свароґа, витцём Часбоґа, Руґевита, Поревита а Поренута. Найвецей был ославуваный а узнаваный на старых Рускых землёх (на териториї сучасной Україны и Руска но и на териториї сучасного Польска). При ёго ославох погане велё танцювали а пили. У Києви мал и свою святыню а то аж до 10 стороча. Миджи выходныма славянами ся заховали и писомны памяткы – Нестор у Повести временных лет пише як о ручителёви за змлувы миджи Русьов и Византиёв, пише о тім, же у Києві и Новгороді ся находят його модлы а обетны мисця. У 1951-1952 рокох были у Києві зробены археолоґицкы выкопавкы а ґрупа В.В.Седова нашла позостаткы того обетного мисця.
У сучасным говоровым языку ся слово перун розумит як блеск, гром.

Колька
Є слово означаюче великый биль у бріху. Є таке клятя – Бодай тя колька яла! = бодай бы тя брих зачал боліти.

Фрас
Є слово, котре ся поужыват у переважній мири на выходным словенску а означує слово ЧОРТ. В другым вызнами є то легке проклятя: Идь до фраса = идь до пекла.

Кидь знате тых вашых дирек «руснацкых» богів липше высвитлити хто то были, нашто служыли, най ся любит, мате слово и простор.

Зайс то мате тоталні помишане

Зайс то мате тоталні помишане у магырі.
«nas rusnakiv hrystijanizuvali okolo roku 990. kazdyj rusnak sja ale oprosyt sam sebe: a sto bylo pered tym? odpovid jasna: nebylo chrystijanstva. a nelem tych 990 rokiv.»
У 988-989 рокох ся християнизувала Києвска Русь а єй старорусскый нарід (предкове сучасных Руснакив)...
А што было перед тым? Поганскы стары славяне. А што было перед поганством? Може даякый примитивный нарід. А што было перед ним? Накелё сте невируючий чоловик, якбач невирите у сотвориня швита Богом як векшына руснаків, но мож вирите в эволуцию – потім што было перед нима? Може налпы што ся вишали по стромох – най ся любит, кідь так твердите же Руснаци ся мают вертати ґу своїм первопочатком, як справный руснак мате прилежитисть ся идти як першый вишати по стромох до ліса.
«my, rusnaci zme demokrate, nezme religate.»
Зайс мате схизофреницкый захват? Зайс сте то Вы и «колеґа» тоты демократе? Ручу за то, же кибы сте ся Вы недайбоже дистали на чоло даякого Русинского штату, векшый шовинизмус а анархия на швиті щі небыли.
«toty sytky bohove sluzyli na sylyjaky hlasky, poznise jeden bich sluzyv na kontrolu ludi ( zato lude nemali slobodu vyjadruvana bo sja kazdyj bojav boha, kotroho nygda nevydili).»
Ай християне мают єдного Бога, у котрого вирят, котрого ніґда невиділи, тыж ся го боят (ёго карох). А глашкы были шелиякы – думате же кідь дакому нашы предкы повили Бодай єс ся поламал – же тото поламал значило мено поганского бога? Мате то рядні у голови помишане пане Аноныме.
«kazdyj narod kotryj sja pozbyv boha tak sja zacal civilizuvati, narody kotry zostali pid vplyvom boha, abo kotrolovany demagogmi, tak pomaly zanykajut ( spanele, taliane, slovaci, rakusane, i pravoslavny sovjete).»
То суй наїсно думате, же поганскы народы и котры ся одрекли Бога сут вецей цивилизуваны як християнскы народы? Жебы африцкы поганскы країны были вецей цивилизуваны як Австрия, Испания, Италия? Же Вы сте суй тых пивох при писаню того коментаря дали кущок вецей як знесете?
«jak rusnaci sja zaoberame tym zeby sme sja zacali rozvyvati a ne zanykati.»
Та ся того и тримайте, бо вирьте, же заведжиня поганства миджи руснаками бы знаменало их тоталный заник, бы ся з них стали словакы, полякы, українци, а руснакы бы остали лем двоє в єдний особі - Вы и Ваш «колега» Smile

Дорогый Аноныме, мы руснаци

Дорогый Аноныме, мы руснаци хоць сме вируючи (ци ґрекокатоликы ци православны) суй наше руснацке тримаме, бишидуєме по руснацкы, розвиваме нашу културу, выдаваме книжкы, часописы, каландари, пишеме суй народнисть руснацку, признаваме ся ґу руснацкому материнскому языку...
Ваше выядриня «my rusnaci zme progresivnyj narid na rozdil od vas katolykiv. a my rusnaci minyme veci furt ku lipsomu» мат годноту нагнитого ябка, нич неробите про розвой руснаків, лем шытко критикуєте, сте чисты нефалшуваны шовинисте – твердите о соби, же лем Вы сте руснаци, но сами ся пишете словаками. Мате великый набиг на заникнутя. Сами суй брыдите до свого гнізда...

Аноныме, мий проблем неє, же

Аноныме, мий проблем неє, же велё веци незнам, бо я суй то признавам, чоловикови ся треба вчити цилый жывит, но тот хто мат проблем зо собов сте прави Вы пане Аноныме.
Сам суй незнате признати, же велё веци незнате а суй думате, же лем Вы сте наймудрішый чоловик на швиті а лем Вы сам вшытко знате справні.
Кідь Вам дахто напише правду дакуй го называте демаґоґом, но сам суй непризнате, же демаґоґиёв сте праві вы засягнутый найвецей спомиджи нас шыткых.
Я суй перед Вами непотрибую заховати тварь, но я Вам напишу правду котра ся спричат з Вашыма блудныма наглядами, прото ся вам видит же ся вам спричам.
«ale rusnaci uz pochopyli, ze ich taky jak ty obduryli...»
То зайс думате пид поймом руснаци Вас и «колеґу»? Бо руснаци єдно што похопили є, же тот хто их обдурил сут такы демаґоґы, котры их вели ґу занику за 40 років ного стороча а миджи них патрите и Вы пане Аноныме.

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je subota

24. august 2019


Юліаньскый календарь:

11. áвґуст 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.