Класификация славянскых языків

Славянскыма языками называме скупину прибузных миджи собом индоевропскых языкiв, розшыреных на уземлью Европы и Азиї, котрыми бишидує около 400 милийонiв люди. Славянскы языкы дiлиме на штирi основны скупины: выходны, западны, южны и другы языкы.
Миджи выходны славянскы языкы патрят 3 заникнуты языкы - старорускый язык, западньорускый язык, староновгородскый (старорусскый) диялект и 5 жывых языкiв - великорускый язык, билорускый язык, українскый язык, русинскый язык, полесскый микроязык.
Миджи западны славянскы языкы патрит єден заникнутый полабскый язык и 5 ( 6 ) жывых языкiв: польскый язык, словацкый язык, чешскый язык, кашубскый язык и лужицкый язык якый ся дiлит на верхнiй и нижнiй.
Миджи южны славянскы языкы патрит єден заникнутый старославянскый (староболгарскый) язык и 5 ( 8 ) жывых языкiв: церкiвнославянскый язык, болгарскый язык, мацедонскый язык, словинскый язык и сербохорватскы языкы котры ся дiлят на боснянскый, сербскый, хорватскый и чорногорскый язык.
Послидню скупину творят иншы славянскы языкы, котры дiлиме на 2 основны скупины – заникнутый праславянскый язык и змiшаны языкы, котры далей дiлиме на 4 ( 5 ) скупин а то заникнуты языкы пиджины – руссунорск и кяхтинскый язык, и жывы суржик, трясанка, и умелый язык словийо.
Окрим вышеспомянутых славянскых языкiв экзистує и дакельо малых славянскых языкiв, котры экзистуют як сучасть народных литературных языкiв а служат про малу скупину люди. Иде о такы языкы як: Русинскый (Україна, Србско, Хорватско), Градищанско-хорватскый (Ракуско), Молизско-хорватскый (Талиянско), Прекмурско-словинскый (Словинско, Мадярско, Ракуско), Чакавскый (Хорватско), Кайкавскый (Хорватско), Бататско-болгарскый (Румунско, бывша Югославия), Кашубскый (Польско), Ляшскый (бывале Чешско, Польско), Выходословенскый (Словенско), Карпаторуссинскый (Америка), Резянскый (Талиянско) и другы языкы.

*******

Slavjanskyma jazykami nazyvame skupinu pribuznych midži sobom indoevropskych jazykiv, rozšyrenych na uzemľju Evropy i Aziji, kotrymi bišiduje okolo 400 milijoniv ľudi. Slavjansky jazyky dilime na štiri osnovny skupiny: vychodny, zapadny, južny i druhy jazyky.
Midži vychodny slavjansky jazyky patrjat 3 zaniknuty jazyky - staroruskyj jazyk, zapadňoruskyj jazyk, staronovhorodskyj (starorusskyj) dijalekt i 5 žyvych jazykiv - velikoruskyj jazyk, biloruskyj jazyk, ukrajinskyj jazyk, rusinskyj jazyk, polesskyj mikrojazyk.
Midži zapadny slavjansky jazyky patrit jeden zaniknutyj polabskyj jazyk i 5 ( 6 ) žyvych jazykiv: poľskyj jazyk, slovackyj jazyk, češskyj jazyk, kašubskyj jazyk i lužickyj jazyk jakyj sja dilit na verchnij i nižnij.
Midži južny slavjansky jazyky patrit jeden zaniknutyj staroslavjanskyj (starobolharskyj) jazyk i 5 ( 8 ) žyvych jazykiv: cerkivnoslavjanskyj jazyk, bolharskyj jazyk, macedonskyj jazyk, slovinskyj jazyk i serbochorvatsky jazyky kotry sja diľat na bosňanskyj, serbskyj, chorvatskyj i čornohorskyj jazyk.
Poslidňu skupinu tvorjat inšy slavjansky jazyky, kotry dilime na 2 osnovny skupiny - zaniknutyj praslavjanskyj jazyk i zmišany jazyky, kotry dalej dilime na 4 ( 5 ) skupin a to zaniknuty jazyky pidžiny - russunorsk i kjachtinskyj jazyk, i žyvy suržik, trjasanka, i umelyj jazyk slovijo.
Okrim vyšespomjanutych slavjanskych jazykiv ekzistuje i dakeľo malych slavjanskych jazykiv, kotry ekzistujut jak sučasť narodnych literaturnych jazykiv a služat pro malu skupinu ľudi. Ide o taky jazyky jak: Rusinskyj (Ukrajina, Srbsko, Chorvatsko), Hradiščansko-chorvatskyj (Rakusko), Molizsko-chorvatskyj (Talijansko), Prekmursko-slovinskyj (Slovinsko, Maďarsko, Rakusko), Čakavskyj (Chorvatsko), Kajkavskyj (Chorvatsko), Batatsko-bolharskyj (Rumunsko, byvša JUhoslavija), Kašubskyj (Poľsko), Ľašskyj (byvale Češsko, Poľsko), Vychodoslovenskyj (Slovensko), Karpatorussinskyj (Amerika), Rezjanskyj (Talijansko) i druhy jazyky.