Zachovavaňa tradicijoch pri Levoči - FS Javorina z Torysok

Je všeobecni zname, že Rusnaci žyjut na vychodi republiky, ci už kovo Starej Ľubovni, Medžilaborec abo Svidnika. Ale lem malochto zna, ža paru z nich išči i neska žyje na zapad od spominanych- pri Levoči. Je smutne poznati, že to neznajut nelem vzďaliňišy dediny, ale i toty cavkom blizky. Tu, v Levočskych verchoch, našli už pred paru storočami svij domiv Rusnaci, kotry tu žyjut do dnešňoho dňa. Tichyj Potok ( Tichý Potok), Višavica (Olšavica), Nižny Repašy (Nižné Repaše) a Torisky (Torysky)- to sut štiri dediny, tu, v ľisoch a horoch, v naši krasňi prirodi.
Choc doba ša nedas zastaviti a i tu už bačiti štoraz chytrijšyj žyvot, o to krajše tu možut vyniknuti našy tradicijii. Popri Tichopotočanovi z Tichoho Potoka a Jalinki z Višavici ša o utrimaňa starat i Folklorna skupina Javorina z Torysok.
FS Javorina patrit už ku dovhoričnym nositeľom tradicijoch z tohto kraja, o čim značit i fakt, že toho roku ša dožyje svojich 35 rokivy od začatku posobiňa. Za toty dovhy roky ša tu vystridavo už hodňe špivakiv i tanečnikiv a byv i je prezentovanyj bohatyj program. Svij folklor ma vytvorenij z bohatstva ridnoho sela a stavjat na autentičnosti, vďaka čomu ma spracovanych vecej pasmiv: Vešiľa, Kerstiny, Fašengy, Rusaľa, Prjadky-. Večurky i ďalšy. Špivali našy mamky, ďitiny a teraz už i jich vnučata. Laska ša prenosit z pokoľiňa na pokoľiňa.
Javorina za čas svojoho posobiňa spolupracovava so Slovenskym rozhlasom i Slovenskom televizijom, o čym svidčat archivny dokumenty a ťiž nahrava svoju vlasnu kazetu i CD.
Je krasne poznaňa, že za ostatny roky ša subor značni omolodiv. Tradicijoch ša chopili našy molody a musit ša uznati, že ša im darit, hlavni što ša tykat spivackoho prejavu. Krasa trojhlasu i pisničky davno zabudnuty sut štoraz vecej vyhľadavany a i oceňovany.
Okrem každoričnych podujaťoch v blizkych i dalekych selach, rusnackych i „nerusnackych“, je Javorina pravideľnym hosťom na Slavnosťach Rusiniv i Ukrajinciv vo Svidniku ci Barvinkovej Kamjunky. Za ostatny roky tu skupina ziskava krasny umistniňa v spevackoj oblasti (rok 2006- 3.misce, 2007 – 2. misce, 2008 – 1. misce, a 2009? Uvidime )
Folklorna skupina spolupracovava s mnohyma skupinami, hudobami-  muzikantami, neska ma ale už vlastny nastroji, čim lem podporije samotnyj spevackyj prejav. Okrem tradičnych vystupiňpoch neje pro nich nezvyčajne ani pozvaňa na oslavu, ples či kulturne podujaťa, de ožyvit i rozveselit i tych „naročňišych" Dokazom toho je i napriklad absolvovane vystupiňa v Bratislavi, na Bratislavskym hradi našym panim poslancim a nasľidna navštiva našho parlamentu. Darmo, Rusnaci sut všady:-)
Što vecej dodati.. Tradicijam nedame vymerti! Našy molodi ša do nich zamilovali. S radosťom folkloru obetijut šytok svij voľnyj čas. Skušky, posidžiňa, vystupiňa i lem tak, zašpivaňa. A ket ša pritym spojit krasota krojoch, holos vychovanyj i vyšpivanyj vo verchoch a radist i poťicha, každomu pri sercu stisne..
Bo jak poviv jeden naš slavynj Rusin:
„Chto svoje porosit a za čudžym prahne, ta tot svoje stratit a čudže nedošahne.“
My už zname, že to velika to mudrost. Ta i my ša toho trimme a neopuščajme ša toho!