Фраїрці (Frajircі)

Фраїрці

В повітрю черяючіхся думок,
Тихоніцко,
Моє серце Тя збачіло,
Твою красу
Собі лытаючі пило.

Сміхом мілодарным ся обзрілась,
Шептаючі
Мыслёв єсь мі проходила,
Своїм чутём
Во мі ...мене-сь погладила.

Днесь блажена радость
Світу ся яла.
Я дыхав єм Твою доброту
Пригорщами...
... тоту душы чістоту.

Ішлась кроком танця
Як моделка,
Граючі ся світлом ночі,
Легіценько
Вліталась до моїх очі.

Як непереставаюче сонце
Роздаваш тугу...
Кров мі міцнійше пулзує...
... лагідненько
Тебе як ангела чує.

Притулячісь ку Тобі,
Твою
Цілую душу,
Но Ты ся од мене одверташ
Помаленькы,
Бо уж якбач когось маш.

Невтікай Моя... моя любов,
Почекай ня!
...моє серце Тя стратило,
В жалю своїм
В Ісусови ся молило.

Забылась ся як сен той ночі,
Незабытный!
Любити Тя неперестану,
Навсе і лем,
Тебе мою мілувану.

(Frajircі

V povіtrju čerjajučіchsja dumok,
Tichonіcko,
Moje serce Ťa zbačіlo,
Tvoju krasu
Sobі lytajučі pilo.

Smіchom mіlodarnym sja obzrіlas,
Šeptajučі
Mysľov jes mі prochodila,
Svojim čuťom
Vo mі ...mene-s pohladila.

Dnes blažena radosť
Svіtu sja jala.
Ja dychav jem Tvoju dobrotu
Prihorščami...
... totu dušy čіstotu.

Іšlas krokom tancja
Jak modelka,
Hrajučі sja svіtlom nočі,
Lehіceňko
Vlіtalas do mojich očі.

Jak neperestavajuče sonce
Rozdavaš tuhu...
Krov mі mіcnіjše pulzuje...
... lahіdneňko
Tebe jak anhela čuje.

Prituľačіs ku Tobі,
Tvoju
Cіluju dušu,
No Ty sja od mene odvertaš
Pomaleňky,
Bo už jakbač kohos maš.

Nevtіkaj Moja... moja ľubov,
Počekaj ňa!
...moje serce Ťa stratilo,
V žaľu svojim
V Іsusovi sja molilo.

Zabylas sja jak sen toj nočі,
Nezabytnyj!
Ľubiti Ťa neperestanu,
Navse і lem,
Tebe moju mіluvanu.)