Warning: Table './petrios/accesslog' is marked as crashed and last (automatic?) repair failed query: SELECT uid, timestamp FROM accesslog WHERE (path = 'node/4125' OR uid > 0) AND sid = '255d1077bfd26162ec8275a2afb4226b' ORDER BY timestamp DESC LIMIT 0, 1 in /mnt/data/accounts/p/petrios/data/www/holosy/includes/database.mysqli.inc on line 128
Днесь ся отворять новый Фестівал Русинів у Свіднику | Holosy

Днесь ся отворять новый Фестівал Русинів у Свіднику

По пару місяцях рыхтованя днесь буде офіціално представленый русиньскый фестівал. Одштартує выставков Йозефа Лауруского о 15.30 в піддукляньскім центрї освіты у Свіднику. На овторїню фестівала выступить співацька ґрупа жен Свідничанка. През цїлый тыждень будуть проходити выставкы, бісїды, театровы выступлїня, проєкція філмів і концертів. Проґрам фестівалу буде дослїдно розробленый так, жебы хопив за сердце вшыткых, незалежно од віку ці преферованя жанру.

У вівторок выступить популарный Театер Александра Духновіча о 17.00 в Домі културы з траґікомедіов Гавай, дебютом молодой талентованой пряшівской драматічкы Михаелы Закутяньской. Гавай є інтімным росповіданём о гляданю самого себе на періферії Европы в кругу близкых, котре выходить за рамкы стереотіпного зображіня сучасной родины. В середу будуть в Піддукляньскій книжніцї од 9. годины про публіку проходити бісїды о русиньскім языку, културї і літературї. Четверь буде передовшыткым о філмовім вечерї на пішій зонї – фанушкове біоґрафу ся можуть тїшыти на філм Мій Нікіфор о наївнім умелцёви та на документ Осиф і ёго братя, в якім возьме участь і ёго головный протаґоніста – п. Йосиф Бобалик..

Пятніцёвый проґрам ся почінать о 15:30 вернісажов талентованого маляря Франтїшка Ґулдана в Піддукляньскім центрї освіты. Выставка Ексоды нашых сусїдів представлює дуже чутливы і траґічны подїї 20. стороча з области спіського реґіону. Далшым пятніцёвым вабником будуть выступлїня театровых ансамблїв із серьбского Врбаса о 17. годинї в Домі културы. Театровый ансамбель Етно клуб ‘Одняте од забуца’ Коцур заграть дуодраму Тестамент о двох сестрах, котры бы собі мали подїлити маєток по небіжцї тетї. Далшый серьбскый ансамбель Театер коло КПД Карпаті заграть дуодраму Драга до надїї..
О 18:00 ся одкрыє ареал амфітеатра – головный пляц фестівалу, основне місце проведжіня фестівалу. Про навщівників із шыршой околицї буде за фотбаловым штадіоном прирыхтоване станове місточко, де будуть мочі поставити шатер на переспаня. Проґрам пятніцёвого вечера є наладованый русиньсков алтернатівнов музиков, зачне о 20. годинї – выступлять капелы Padequa, Пінязї де? і Йосиф КеСо Кеселица. За гедлайнерів суть браны лемківскы Dollars Brothers - музиканты, якы в своїх аранжманах елеґантно хоснують і мішають поп, фолк і фанк з лемківскым народным одказом.

Вікенд на Русиньскім фестівалї буде присвяченый фолклору. В суботу од 18. годины выступить ПУЛС, танечна ґрупа Партія, Шарішан, Маря Мачошкова а велё другых талентів. Днешнїй ПУЛС ся замірює на традіції Русинів, якы жыють на выходнім Словеньску, але тыж на фолклор другых реґіонів Словеньска, перекомпонуючі го до высшой сценічной формы. ФА Шарішан в рамках свого премєрового проґраму буде крестити їх нове ЦД русиньскых співанок "Йшов до лїса Ублянчан ...». Інтересным завершінём вечера про авдіторію стане выступ танечной ґрупы Партія, котра про навщівників фестівалу готовить спонтанну школу танцёваня.

Недїльный проґрам ся роспочне о 14. годинї, окрем дїтячіх ансамблїв ся представить умелецькый колектів Лучніца, Раславічан і далшы умелцї. Лучніца ся по довгых роках од свого остатнёго выступу у Свіднику продемонштрує як золотый гвізд проґраму Русиньского фестівалу. Выступить з премєровым проґрамом Образы з давнины з темов і режіов од проф. Штефана Носаля. Комплетный проґрам фестівалу мож найти на www.rusinskyfestival.sk/program/.
Орґанізаторы Вас сердечно запрошують на новый Русиньскый фестівал. Вход на выставы, бісїды і проєкцію філмів буде безкоштовно. За єдно театрове выступлїня буде сімволічне 1 €. Перманентый вход до амфітеатра в пятніцю, суботу і недїлю буде 5 €, з можливостёв купіня вступу ай на окремы днї. Уквартелёваня в шатровім місточку од пятніцї до недїлї буде стояло тыж 5 €. Орґанізаторы так само зладили ай шпеціалне знижіня цїны про родины з дїтми до 18 років і выгодны цїны про штудентів і пензістів, інвалідів, і дарцїв крові. Точны условія выхоснованя зниженой або веце выгодной цїны найдете на сторінках фестівалу в секції листкы www.rusinskyfestival.sk/listky/ або перед ареалом амфітеатра.

Фото Жрідло: Архівы FS Rozmarija

Переклад із словацького языка: Кори

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je vіvtorok

23. jul 2019


Юліаньскый календарь:

10.юл 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.