Блїднутя віджіня Старого світа (Западопенсілваньскым Карпаторусинам залежыть на святкованю своёй дїдовизны)

Священик Роберт Препелка встаючій о пятїй рано, приготовив голубкы тай принїс їх на пікніковый стіл в холодку Jackrabbit, деревяной гірьской драгы побудованой в роцї 1920.

Джон Ріґетті з Карпаторусиньского сполку шторік приносить на фестівал дакілько традічных костімів.

Было то остатнёго четверга в Юні - Карпаторосіяньскый день в Кеннівудскім парку, каждорічна поклона славяньскым народам з Карпатьскых гір Выходной Европы. Они Русины а не Росіяне, і наперек зміны їх імена в США.

Тот день, котрый колись притїг тісячі, привабив менше як 100 - рефлектуючі демоґрафічны зміны в бывшых промысловых містах, де азійскы тай латиноамерицькы іміґранты, теперь часто перечіслюючі Европанів, тай діґітална епоха, яка нукать алтернатівы к такым стрїчам.

В роцї 1920, як были вы пришли з Камюнкы, в днешнїм Словеньску, тай были жыли в Джонстовнї, Па., "вы были пришли до Кеннівуду стрїтити людей з вашого села", повидав Джон Ріґетті, народный презідент Карпаторусиньского сполку, котрый хоснує оріґіналне написаня. "Теперь, кідь ся хочете споїти з вашов етнічнов ґрупов, ідете на Фейсбук."
Пан Ріґетті, бізніс конзултант в Піттсбурґу, котрый іщі все вірить в споёваня людей, наштелёвав дісплей на другім пікніковім столї з традічныма костімами вєдно з фотоґрафіями славных Карпаторусинів, включаючі попартісту Енді Варгола.

"Мама все взяла Ендіго і мене як мы были щі хлопчіска", повив Пол Варгола, умелців 90 річный брат, котрый сокотив оріґіналне мено фамилії. "Тїшыли сьме ся на то каждый рік."

Другы забавны паркы присвятили днї до даякых народностей і култур і тыж про скавтів і церьковны ґрупы. Доллівуд, в Піджон Фордж, в штатї Теннесі, отворив свою ярну сезону 2012 Фестівалом Народів з участёв выступуючіх з Ірьска, Замбії, Еквадору і іншых країн.

Кеннівуд, великый парк в передмістї Піттсбурґу, з грами і атракціями контролюючіма брітаньсков пріватной інвестічнов компаніов Candover Investments PLC, є незвычайный в тім, же дасть околішнїм етнічным ґрупам орґанізовати свої днї. Парк, котрый пише такый день на своїй вебсторінцї, офірує павілон з пікніковыма столами і кухнёв без платнї тыж як і туняны карты до етнічных клубів. Ґрупы ся старають о решту орґанізованя.

В остатнїх роках Карпатьскы Русины зозвали єпіскопів жебы дали скликаня тай попросили містных ентічных танечників і хорів, жебы пришли і забавляли. Они опубліковали свої властны проґрамы з написаныма подїями і містныма етнічныма бізніс спонзорами, і зохабили задню сторону на підписы.

Традіція 114 річного Кеннівуд зачала в роцї 1917, з Хорватьскыма і Серьбскыма днями, та теперь мать 14 етнічных днїв. "То наша найстарша традіція", повив говорця парку Джех Філіцко. Менше традічныма суть догонкы псів, котры парк спустив в роцї 2005.

В роцї 1910 коло 26% з Піттсбурзькой популації котра чіслила на 533 905 было "білых чуджоземного походжіня" і може вшыткых з Европы, одповідно перепису населїня. З них близько 30 000 было карпаторусиньского з цїлой РакуськоУгорьской імперії, в згодї з дослїджінями Карпато-русиньского дослїдницького центра у іміґрачных записів.

Сто років тому лем 6.9% з населїня міста што было 305 704, было народженых інде, з лем 1.7% народженых в Европі. Днешнї жытелї Піттсбурґа народжены в Азії по першыраз перечіслюють тотых што ся народили в Европі, Хрістофер Бріем, дослїджователь з Піттсбурзькой універзіты позначів. Даякых 600 000 карпатьскых Русинів жыє в Америцї, їх Центер одшацовав.

Таліяньскы днї суть овелё векшы. "У нас через 120 добровольників і навщівность была 12 500 минулый рік," говорив Лорраіне Арена, секретарь Таліяньскый сынів і дївок Америкы. "Та мы сьме мали оперед овелё веце, но стратили сьме велё старых людей."

Карпаторусиньскый день є міджі найменшыма, триманый при жывотї півтуцтом священиків з містных православных церьквей, бо люде ся поженили поміджі іншы етніка, зохабили місто або ся асіміловали.

Гевсе барже далеко од світа позначів 98 річный Джордж Сукал.

Пан Сукал ся народив в роцї 1914 в селї Чорноголова, котре є теперь в Українї. Робив у фабріках до 62 років пак іщі робив помникы на гробы до 92 років. Він пояснює свої довгы рокы штамперліком віскі каждый день.

Ёго Карпаторусиньскы днї в Kennywood-ї были з танцём, гармониками і тісячами людей. "Мaв єм ся старати о продай пива і віскі в кухнї," повив Пан Сукал, ёго акцент промокнутый русинчінов, славяньскым языком гев дакотры іщі все бісїдують. "Вы там уж не можете пити віскі."

Серед подїй пан Сукал поміг орґанізовати в роцї 1960 сутяж про жены в зберї бандурок і 75 ярдовы погонкы про стытых хлопів. Тот рік вырішыв остати дома. Барже горячо.

"Чую ся розвикланый", повидав.

З паном Сукалом і другыма хыбуючіма, орґанізаторы збачіли же велё їджіня а недостаточно Карпаторусинів. Жена пішла кликати по парку людей зжебы зашли.

Каллаве Бей, афроамерицькый веґетаріан ся посмотрив на галушкы з капустов. "Та то веґетаріаньске, нї?" Звідав ся священика Джона Бранча, котрый му одповив же є і продав му танїр.

О шестій вечером священик Препелка іщі продав голубкы што быв годен і спаковав решту.

"Сїдуючій рік попрубуєме то знову продовжовати," повив.

Джон В. Міллер

Жрідло: http://online.wsj.com/article/SB1000142405270230368400457751097024761307...

Zdieľať na Facebooku

Русиньска бісїда - Чет

Русиньска бісїда - Чет

Та што або як?

Drabinka - najkrajšie ľudovky z východu

Здружіня інтеліґенції Русинів Словеньска

Радіо про вшыткых Русинів

Лемківске інтернетове радіо

Вікіпедія в русиньскім языку

Вікіпедія в русиньскім языку

У русиньскій верзії є теперь 2837 статей.

Писаня русиньсков азбуков

Камаратьскы сторінкы

Академія русиньской културы в СР

Rusínsky festival Svidník

Ľudová hudba Ondreja Kandráča

Portál slovenskej ľudovej hudby, Internetový obchod s ľudovou hudbou, vydavateľstvo VideoRohal

ZIRS – sekcia molodi.Rusiny

kaviareň a knihkupectvo

Farnosť Stropkov-Bokša

Rusnaci u Panoniji

Ruska Tube

Rusíni.cz - rusínská iniciativa v ČR

Společnost přátel Podkarpatské Rusi

Выберте собі языкову мутацію

Dneska je ponediľok

20. maj 2019


Юліаньскый календарь:

7.май 2019

Мапа реґістрованых хоснователїв Holosy.sk

Писаня документів по русиньскы з Openoffice

Писаня русиньсков кіріліцёв в сістемі Windows 7

Як модіфіковати Firefox, жебы контролёвав русиньскый правопис

Posl´idn´i komentar´i

Баннер про вашы сторінкы

Будеме рады як Голосы спропаґуєте на вашых сторінках через рекламный баннер.

Комунітный портал карпатьскых Русинів

Як бы сьте хотїли вычеряти банеры, контактуйте нас.